Manoj Jarange:  मराठा आंदोलक मनोज जरांगे यांच्या ताफ्यातील वाहनांचा अपघात झाल्याची माहिती समोर आली आहे. मनोज जरांगे हे आज सांगली जिल्ह्यातील विटा शहरात येणार होते. यावेळी त्यांच्या स्वागतासाठी मोठी गर्दी जमली होती. परंतु कडेगावकडून ते विटा येथे येण्यासाठी निघाले असता, त्याचवेळी त्यांच्या ताफ्यातील वाहनांना अपघात झाला.

ताफ्यातील गाड्या अचानक एकमेकांवर आदळल्या आणि त्याच वेळी मागून येणाऱ्या एका भरधाव एसटी बसने ताफ्यातील वाहनाला जोरदार धडक दिली. या भीषण अपघातात ताफ्यातील एर्टिगा कारचा पार चेंदामेंदा झाला असून एक मराठा कार्यकर्ता गंभीर जखमी झाला. Manoj Jarange

नेमका अपघात कसा घडला?
मिळालेल्या माहितीनुसार, मनोज जरांगे पाटील यांचा ताफा जात असताना महामार्गावर अचानक गाड्यांचे ब्रेक दाबले गेले. यामुळे ताफ्यात मागे असलेल्या गाड्या एकामागोमाग एक एकमेकांवर जाऊन धडकल्या.

याच दरम्यान मागून वेगात येणाऱ्या एसटी बसचे नियंत्रण सुटले आणि बस थेट ताफ्यातील एर्टिगा गाडीवर जाऊन आदळली. ही धडक इतकी जोरदार होती की, एर्टिगा गाडीचा पूर्णपणे चुराडा झाला आहे.

या अपघाताचा आवाज होताच इतर कार्यकर्त्यांसह स्थानिकांनी तातडीने मदतीसाठी धाव घेतली. गाडीत अडकलेल्या कार्यकर्त्याला बाहेर काढून तातडीने उपचारासाठी जवळच्या रुग्णालयात दाखल करण्यात आले आहे. Manoj Jarange

मनोज जरांगे पूर्णपणे सुरक्षित

सुदैवाने या अपघातात मनोज जरांगे पूर्णपणे सुरक्षित असून त्यांच्या गाडीला कोणतीही हानी पोहचली नाही. त्यांनी स्वत: जखमी कार्यकर्त्याला रुग्णालयात दाखल केलं. Manoj Jarange

हेही वाचा: 

Tukaram Mundhe: ५१व्या वर्षीही तुकाराम मुंढे यांचा फिटनेस कायम, ‘या’ ३ गोष्टींना देतात सर्वाधिक महत्त्व; म्हणाले, आवडीचे पदार्थही…