Abhishek Sharma and Keemo Paul Heated Rivalry Continues in Bengaluru Fifth T20 Decider : भारत आणि वेस्ट इंडिज यांच्यातील बंगळुरूच्या एम. चिन्नास्वामी स्टेडियमवर खेळल्या जात असलेल्या पाचव्या आणि निर्णायक टी-२० सामन्यात मैदानावर प्रचंड ड्रामा पाहायला मिळाला. हैदराबाद येथील चौथ्या सामन्यानंतर हस्तांदोलन करताना विंडीजचा वेगवान गोलंदाज कीमो पॉल आणि भारताचा सलामीवीर अभिषेक शर्मा यांच्यात जोरदार खडाजंगी झाली होती. त्या सामन्यात खेळाडू आणि पंचांना मध्यस्थी करून वाद मिटवावा लागला होता. त्याच वादाची ठिणगी बंगळुरूच्या मैदानात पुन्हा एकदा पेटल्याचे दिसले.

पावसाच्या व्यत्ययानंतर ९ षटकांचा सामना; पहिल्याच षटकात आमनेसामने

पावसाच्या व्यत्ययामुळे हा निर्णायक सामना प्रत्येकी ९ षटकांचा करण्यात आला. भारताच्या डावाची सुरुवात करण्यासाठी अभिषेक शर्मा मैदानात उतरला, तर विंडीजकडून पहिलेच षटक टाकण्यासाठी खुद्द कीमो पॉल गोलंदाजीला आला. हैदराबादमधील कटू आठवणी ताज्या असल्याने मैदानावरील वातावरण सुरुवातीपासूनच कमालीचे तापलेले होते. षटकातील चौथ्या चेंडूवर अभिषेकने आपल्या आक्रमक शैलीचे दर्शन घडवत पॉलच्या डोक्यावरून एक उत्तुंग गगनचुंबी षटकार खेचला.

पुढच्याच चेंडूवर खेळ खल्लास; कीमो पॉलचा सणसणीत बदला

🚨ABHISHEK AND KEEMO PAUL AFTER MATCH FIGHT VIDEO 🔥

Abhishek will show you your place K .Paul in next match in Chinnaswamy 😈
Be scared be very scared 🔥 https://t.co/Acb2LSWH2o

— Footvoski (@CRICBALLY) October 16, 2026

षटकार खाल्ल्यानंतर पुढच्याच क्षणी सामन्यात अत्यंत नाट्यमय वळण आले. कीमो पॉलने जराही संयम न गमावता पुढचा चेंडू मधल्या आणि लेग स्टंपवर आखूड टप्प्याचा टाकला. त्यावर पुन्हा मोठा फटका मारण्याच्या नादात अभिषेक चेंडू हवेत उडवून बसला. मिड-विकेटवर तैनात असलेल्या शमर जोसेफने डोक्यावर आलेला सोपा झेल सहज टिपला आणि अभिषेक अवघ्या ६ धावांवर बाद झाला.

पॉलचे आक्रमक सेलिब्रेशन; निर्णायक सामन्याचा थरार वाढला –

Keemo Paul atrikes and Abhishek Sharma goes for 6(4).

📸: JioHotstar

#KeemoPaul #AbhishekSharma #INDvWI #INDvsWI #SBM https://t.co/OoJry1vviz

— SBMCricket (@WicketWatcher_) October 17, 2026

अभिषेक बाद होताच कीमो पॉलने अत्यंत आक्रमक आणि आगळ्यावेगळ्या शैलीत जल्लोष साजरा केला. हैदराबादमधील वादाचा हिशोब पहिल्याच षटकात चुकता करत पॉलने भारताला मोठा धक्का दिला. अवघ्या ६ धावांत पहिला गडी गमावल्यामुळे भारतीय संघावर दबाव आला, तर या जुन्या वैमनस्यामुळे ९ षटकांच्या या छोट्या लढतीचा थरार आणखी शिगेला पोहोचला.

हेही वाचा – OCI Cricketers Plea : भारतासाठी खेळायचे असेल तर विदेशी नागरिकत्व सोडा! ओसीआय खेळाडूंना मुंबई हायकोर्टाचा थेट इशारा

पुन्हा पाऊस आल्याने सामना झाला रद्द –

It’s all over in Bengaluru ☔️☔️

The hard-fought T20I series fittingly ends 2-2 after the decider is washed out #INDvsWI https://t.co/QjP6DLGz5v

— Cricbuzz (@cricbuzz) October 17, 2026

भारत विरुद्ध वेस्ट इंडिज सामन्यात पावसाने पुनरागमन केले आहे. भारताने ७.४ षटके दमदार फलंदाजी करत धावसंख्या ५ गडी बाद ११८ धावांपर्यंत पोहोचवली होती. यानंतर पुन्हा पाऊस सुरु झाला, ज्यामुळे सामना रद्द करण्यात आला. यासह पाच सामन्यांची मालिका २-२ ने बरोबरीत सुटली.