Abhishek Sharma Viral Video School Teacher Diwali Surprise : मैदानावर चौकार-षटकारांचा पाऊस पाडून गोलंदाजांची धुलाई करणारा भारताचा आक्रमक सलामीवीर अभिषेक शर्मा एका हृदयस्पर्शी कारणामुळे चर्चेत आला आहे. न्यूझीलंडविरुद्ध नुकतीच पार पडलेली टी-२० मालिका संपवून घरी परतलेल्या अभिषेकने दिवाळीच्या सणादरम्यान आपल्या शाळेतील शिक्षिकेला एक गोड सरप्राईज दिले. आपल्या लाडक्या विद्यार्थ्याला अचानक थेट दारात पाहून शिक्षिकेच्या डोळ्यांत आनंदाश्रू तरळले; या अनपेक्षित भेटीचा भावनिक व्हिडीओ सध्या सोशल मीडियावर तुफान व्हायरल होत आहे.

गाडी थांबवून गेला भेटायला; शिक्षिकेची ‘ओह माय गॉड’ रिॲक्शन

व्हायरल झालेल्या या व्हिडिओमध्ये अभिषेक आपल्या शाळेतील शिक्षिकेला अत्यंत प्रेमाने मिठी मारताना दिसत आहे. अभिषेक त्याच्या कारने जात असताना वाटेत शिक्षिकेचे घर आले. त्याने तत्काळ गाडी थांबवली आणि थेट तिच्या घराच्या गेटमध्ये प्रवेश केला. भारताचा स्टार खेळाडू अचानक समोर उभा असलेला पाहून शिक्षिकेला स्वतःच्या डोळ्यांवर विश्वास बसत नव्हता. तिने कमालीच्या आश्चर्याने ‘ओह माय गॉड’ अशी प्रतिक्रिया देत त्याला प्रेमाने जवळ केले.

न्यूझीलंडविरुद्ध ३५ चेंडूंत शतक; ठरला सर्वाधिक धावा करणारा

ABHISHEK SURPRISED HIS TEACHER ❤️🥹

On the occasion of Diwali, Abhishek was passing by his teacher’s house when he decided to stop and meet her.

She was completely surprised and delighted to see her student after such a long time. ❤️

RESPECT AND LOVE FOR TEACHERS NEVER FADE! ❤️🔥

— Mukku (@Cric_Mukku) November 9, 2026

भारत आणि न्यूझीलंड यांच्यात नुकत्याच झालेल्या ५ सामन्यांच्या टी-२० मालिकेत भारताने ३-२ असा विजय मिळवला. या मालिकेत अभिषेकच्या स्फोटक फलंदाजीचा बोलबाला राहिला. ५ डावांत त्याने ३९.४० च्या सरासरीने तब्बल १९७ धावा कुटल्या. यामध्ये अवघ्या ३५ चेंडूंत ठोकलेल्या वादळी शतकाचा समावेश होता. मालिकेत भारताकडून सर्वाधिक धावा करणारा फलंदाज ठरण्यासोबतच, संपूर्ण मालिकेत सर्वाधिक धावा करणाऱ्यांच्या यादीत त्याने दुसरे स्थान पटकावले.

हेही वाचा – IND vs SA : दक्षिण आफ्रिका दौऱ्यासाठी तिन्ही फॉरमॅटसाठी भारतीय संघाची घोषणा, पहिल्यांदाच स्मृती मानधना करणार कसोटीl नेतृत्व

आता इमर्जिंग आशिया कपमध्ये तिलक वर्माच्या नेतृत्वाखाली खेळणार

न्यूझीलंडविरुद्धची मालिका गाजवल्यानंतर अभिषेक आता भारतीय ‘अ’ संघाचे प्रतिनिधित्व करण्यास सज्ज झाला आहे. येत्या १९ नोव्हेंबरपासून कतारमध्ये सुरू होणाऱ्या बहुचर्चित इमर्जिंग आशिया कप २०२६ स्पर्धेसाठी त्याची निवड झाली आहे. या स्पर्धेत तिलक वर्मा भारतीय संघाचे नेतृत्व करणार असून, रिंकू सिंगकडे उपकर्णधारपदाची धुरा सोपवण्यात आली आहे. यात अभिषेक शर्मा आणि वैभव सूर्यवंशी डावाची सुरुवात करतील.