Abhishek Sharma Most Ducks Record 2026 : आयपीएल २०२६ च्या १० व्या सामन्यात सनरायझर्स हैदराबाद आणि लखनौ यांच्यातील लढतीत सलामीवीर अभिषेक शर्मा पुन्हा एकदा अपयशी ठरला आहे. या सामन्यात अवघ्या २ चेंडूंत शून्यावर (डक) बाद झाल्याने अभिषेकच्या नावावर एका नकोशा विक्रमाची नोंद झाली असून, त्याने थेट रोहित शर्मा आणि संजू सॅमसनच्या यादीत स्थान मिळवले आहे.

आतापर्यंत ६ वेळा डकवर बाद –

सनरायझर्स हैदराबादचा धडाकेबाज फलंदाज अभिषेक शर्मासाठी २०२६ हे वर्ष कमालीचे चढ-उतारांचे ठरत आहे. लखनौविरुद्धच्या सामन्यात खातेही न उघडता धावबाद झाल्यामुळे, एका कॅलेंडर वर्षात टी-२० फॉरमॅटमध्ये सर्वाधिक वेळा शून्यावर बाद होणाऱ्या भारतीय फलंदाजांच्या यादीत तो संयुक्तपणे पहिल्या स्थानी पोहोचला आहे. अभिषेक या वर्षात आतापर्यंत ६ वेळा डकवर बाद झाला आहे.

रोहित-संजूच्या विक्रमाशी केली बरोबरी –

Sunrisers Hyderabad vs Lucknow Super Giants, 10th Match, Live Update

Most T20 ducks by the Indians in a calendar year:

6 – Rohit Sharma 2018

6 – Sanju Samson 2024

6 – Abhishek Sharma 2026#AbhishekSharma #SRHvsLSG pic.twitter.com/Z6JVVseugJ

— MK Sharma ✍️ (@EmediaManoj) April 5, 2026

यापूर्वी २०१८ मध्ये रोहित शर्मा ६ वेळा शून्यावर बाद झाला होता, तर २०२४ मध्ये संजू सॅमसननेही हीच कामगिरी केली होती. आता अभिषेक शर्माने या दोघांची बरोबरी केली आहे. २०२६ मध्ये अभिषेक न्यूझीलंडविरुद्धच्या मालिकेत दोनदा, टी-२० विश्वचषकात तीनदा आणि आता आयपीएलमध्ये एकदा अशा एकूण ६ वेळा शून्यावर बाद झाला आहे. पुढच्या सामन्यातही जर तो शून्यावर बाद झाला, तर तो रोहित आणि संजूला मागे टाकून या नकोशा यादीत अव्वल स्थानी जाईल.

हेही वाचा – World Cup 2027 : एकदिवसीय विश्वचषकासाठी कर्णधाराची घोषणा! ‘या’ खेळाडूकडे सोपवली मोठी जबाबदारी

क्लासेन आणि नितीश रेड्डीने सावरला हैदराबादचा डाव –

अभिषेक शर्मा आणि ट्रॅव्हिस हेड स्वस्तात बाद झाल्यानंतर हैदराबादची अवस्था ४ बाद २६ अशी दयनीय झाली होती. मात्र, त्यानंतर नितीश रेड्डी (५६ धावा) आणि हेनरिक क्लासेन (६२ धावा) यांनी ५ व्या विकेटसाठी ११६ धावांची भागीदारी करत संघाला सन्मानजनक धावसंख्या उभारून दिली. हैदराबादने २० षटकांत ९ बाद १५६ धावा केल्या. लखनौच्या गोलंदाजांनी, विशेषतः मोहम्मद शमीने सुरुवातीला जो तडाखा दिला होता, त्यातून क्लासेनच्या अर्धशतकामुळे हैदराबादला सावरता आले.