Abhijit Dipke on Ramdas Kadam’s offer : सीजेपीचे प्रमुख अभिजीत दिपके यांना दिल्लीतील जंतर मंतर येथील आंदोलनाला मोठे यश मिळाले. या पार्श्वभूमीवर त्यांना अनेक राजकीय पक्षांकडून अॅाफर मिळाल्याची चर्चा आहे. या सगळ्यात केंद्रीय राज्यमंत्री रामदास आठवले यांनी अभिजीत दिपके यांना राजकीय अॅाफर दिली होती. या अॅाफरवर आता अभिजीत दिपके यांची प्रतिक्रिया समोर आली आहे.

केंद्रीय राज्यमंत्री रामदास आठवले यांनी अभिजीत दीपके यांना एनडीएमध्ये येण्याची ऑफर दिली होती. त्यांच्या ऑफरवरून दीपकेंनी खोचक टोला लगावला आहे. ‘एका महिन्याआधी मी देशविरोधी होतो’, अशा शब्दांत त्यांनी अॅाफरवर खोचक टोला लगावला आहे. दीपके यांनी ही टीका सोशल मीडियावरून केली आहे. यावेळी दीपके यांनी भाजप नेत्यांनी आंदोलकांना देशविरोधी म्हटल्याचा पुरावा सोशल मीडियावर शेअर केला.

नेमकं काय म्हणाले होते रामदास आठवले?

काही दिवसांपूर्वी केंद्रीय राज्यमंत्री रामदास आठवले म्हणाले होते की, ‘अभिजीत दीपके आंबेडकरवादी आहे. तो अॅक्टिव्ह आणि युवा आहे. त्याने आरपीआयमध्ये सहभागी होण्याविषयी विचार केला पाहिजे. गुन्हेगारांना शिक्षा झाली पाहिजे, यावर आमचं सरकार विश्वास ठेवते.’ असे म्हणत रामदास आठवले यांनी अभिजीत दीपके यांना एनडीएमध्ये सामील होण्याचीही ऑफर दिली होती.

आता ‘स्कूल ठीक करो’ अभियान

अभिजीत दिपके नीट पेपरफुटी प्रकरणी पुकारण्यात आलेल्या आंदोलनामुळे अधिक चर्चेत आले. त्यांनी स्थापन केलेल्या कॅाकरोच जनता पार्टीच्या माध्यमातून करण्यात आलेल्या आंदोलनाच्या लढ्याला यश आले. यानंतर त्यांनी ‘स्कूल ठीक करो’ अभियानाची घोषणा केली.

नुकतीच या अभियानांतर्गत त्यांनी  हिंगोली जिल्ह्यातील विविध शाळांना भेटी दिल्या. याचदरम्यान लिंबाळा येथील जिल्हा परिषद शाळेत मुख्याध्यापक दारूच्या नशेत असल्याचा व्हिडीओ समोर आला होता. ते शाळेतच दारू पित असल्याचा आरोप करण्यात आला होता.  या प्रकरणी कारवाई करण्याची मागणी करत दिपके यांनी आंदोलनाचा इशारा दिला होता. त्यानंतर हिंगोली जिल्हा परिषदेचे मुख्य कार्यकारी अधिकारी विवेक गायकवाड यांनी मुख्याध्यापक विनोद कटके यांच्या निलंबनाचे आदेश काढण्यात आले.

ED raid on Jauhar University: मोठी बातमी! ईडीचे जौहर विद्यापीठासह १० ठिकाणी छापे