ED raid on Jauhar University: समाजवादी पक्षाचे ज्येष्ठ नेते आणि माजी मंत्री आझम खान यांच्या अडचणी पुन्हा एकदा वाढत असल्याचे दिसत आहे. अंमलबारी संचालनालयाने (ईडी) बुधवारी पहाटे आझम खान आणि त्यांच्या सहकाऱ्यांच्या १० ठिकाणी छापे टाकले. हे छापे रामपूर, सहारनपूर आणि देशाची राजधानी नवी दिल्ली येथे एकाच वेळी टाकले जात आहेत.

समोर आलेल्या माहितीनुसार, ईडीचे हे छापे मनी लाँडरिंग प्रतिबंधक कायद्याअंतर्गत (PMLA) टाकले जात आहेत. आझम खान यांचे आर्थिक व्यवहार, आर्थिक अनियमितता आणि संशयास्पद निधीपुरवठ्याच्या तपासाच्या संदर्भात तपास यंत्रणेची पथके ही कारवाई करत आहेत.

प्राप्त माहितीनुसार, ईडीची पथके प्रामुख्याने केंद्रीय सुरक्षा दलांच्या उपस्थितीत, आझम खान यांचा महत्त्वाकांक्षी प्रकल्प असलेल्या मौलाना मोहम्मद अली जौहर विद्यापीठ आणि त्याच्याशी संबंधित मौलाना मोहम्मद अली जौहर ट्रस्टच्या आवारात, तसेच रामपूर आणि जौहर विद्यापीठाच्या कॅम्पसमधील अधिकाऱ्यांच्या निवासस्थानांमध्ये कागदपत्रे आणि डिजिटल पुराव्यांची तपासणी करत आहेत. ED raid on Jauhar University:

तपास यंत्रणांच्या मते, या प्रकरणात सरकारी कंत्राटांमधील आर्थिक अनियमितता आणि खासगी कंत्राटदारांमार्फत निधीचा कथित गैरवापर यांचा समावेश आहे. प्राथमिक तपासात असे उघड झाले आहे की, काही खासगी कंत्राटदारांनी सरकारी कंत्राटातील निधीचा मोठा हिस्सा बेकायदेशीरपणे मौलाना मोहम्मद अली जौहर ट्रस्ट आणि विद्यापीठाकडे हस्तांतरित केला. या पैशांचा वापर मोठ्या देणग्या देण्यासाठी, तसेच विद्यापीठाच्या मालमत्ता आणि इतर बांधकाम प्रकल्पांसाठी करण्यात आला.

गुन्ह्यातून मिळालेला पैसा, संशयास्पद बँक व्यवहार, आर्थिक नोंदी आणि कागदोपत्री व डिजिटल पुरावे गोळा करणे, हे ईडीचे मुख्य उद्दिष्ट आहे. धाडींदरम्यान, केंद्रीय सुरक्षा दलांच्या उपस्थितीत जौहर ट्रस्टचे अधिकारी, आर्थिक सल्लागार आणि संबंधित कंत्राटदारांच्या परिसराची कसून झडती घेतली जात आहे. ED raid on Jauhar University: