Ab De Villiers revealed about Virat Kohli : विराट कोहली आणि एबी डिव्हिलियर्स हे खूप चांगले मित्र आहेत. दोघेही बराच काळ आरसीबीसाठी एकत्र खेळले आहेत. पण एक वेळ अशी आली होती की डिव्हिलियर्सच्या एका चुकीमुळे विराटने त्यांच्याशी बोलणे बंद केले होते. याबाबत स्वतः डिव्हिलियर्सने आता खुलासा केला आहे. परंतु, आता दोघांमध्ये सलोखा झाला असून आयपीएल २०२५ च्या अंतिम सामन्यानंतर दोघेही एकमेकांना मिठी मारतानाही दिसले. डिव्हिलियर्सने स्वतः कबूल केले की, त्यानी एक मोठी चूक केली होती, ज्यामुळे कदाचित विराट कोहली त्याच्यावर नाराज झाला होता, पण आता सर्व काही ठीक आहे.

विराट-डिव्हिलियर्समध्ये काय बिनसले होते –

खरं तर, गेल्या वर्षी विराट कोहलीने वैयक्तिक कारणांमुळे इंग्लंडविरुद्धच्या घरगुती कसोटी मालिकेत भाग घेतला नव्हता. या निर्णयामुळे विराट कोहलीवर बरीच टीका झाली होती. मात्र, एबी डिव्हिलियर्सने त्याच्या यूट्यूब चॅनेलवर कोहलीचा बचाव केला होता. त्याने सांगितले की, कोहली राष्ट्रीय संघापासून दूर आहे कारण तो आणि त्याची पत्नी अनुष्का शर्मा त्यांना दुसऱ्या अपत्याची अपेक्षा आहे. डिव्हिलियर्सच्या या वक्तव्यानंतर ही बातमी वनवा पेटल्यासारखी पसरली.

एबी डिव्हिलियर्सचे विधान खरे ठरले –

एबी डिव्हिलियर्सला आपली चूक लक्षात येताच त्याने आपले वक्तव्य मागे घेतले. त्याने सांगितले की त्याच्याकडून ‘मोठी चूक’ झाली होती. एका मुलाखतीत तो म्हणाला होता, “कुटुंब प्रथम येते, मग क्रिकेट. मी माझ्या चॅनेलवर एक भयंकर चूक केली. ती माहिती चुकीची आणि असत्य होती. विराट कोहलीला कौटुंबिक कारणांमुळे राष्ट्रीय कर्तव्यातून विश्रांती घेण्याचा पूर्ण अधिकार आहे. मला वाटते की विराटच्या कुटुंबासाठी जे सर्वोत्तम आहे ते प्रथम येते. कोणालाही तिथे काय चालले आहे हे माहीत नाही. मी फक्त त्याला शुभेच्छा देऊ शकतो.

हेही वाचा – MLC 2025 : किरॉन पोलार्डचा टी-२० मध्ये मोठा धमाका, किंग कोहलीला ‘या’ बाबतीत टाकलं मागं

त्याच्या विश्रांतीचे कारण काहीही असो, मला आशा आहे की तो यातून अधिक मजबूत, उत्तम आणि ताजेतवाने होऊन परत येईल.”
एबी डिव्हिलियर्सयांचा खुलासा खरा होता. विराट कोहली आणि अनुष्का शर्मा यांनी १५ फेब्रुवारी २०२४ रोजी त्यांच्या दुसऱ्या मुलाचे, अकायचे, पालकत्व स्वीकारले. डिव्हिलियर्सने कोहलीबद्दल जे काही सांगितले, त्यावरून त्याच्यामध्ये कोहलीबद्दल किती आदर आहे हे दिसून येते. त्यानी कोहलीला एक उत्कृष्ट खेळाडू आणि चांगला माणूस म्हणून वर्णन केले. डिव्हिलियर्सन असेही सांगितले की, कोहलीशी पुन्हा बोलून खूप आनंदी आहे.