Tanushree Dutta : लवकरच अत्यंत लोकप्रिय  अशा ‘BIGG BOSS” या कार्यक्रमाचा १६ वा सीझन प्रेक्षकांच्या भेटीला येणार आहे. सध्या बॅालीवूडचा भाईजान अभिनेता सलमान खान या रियालटी शोच्या शुटिंगमध्ये व्यस्त आहे. या शोचे मोठी क्रेझ प्रेक्षकांमध्ये असून दरवर्षी हा शो पाहण्यासाठी चाहते आतुर असतात.

यंदाही या शोचे होस्टिंग सलमान खान करणार असून, बिग बॅासच्या घरात एन्ट्री करण्यासाठी स्पर्धेक सज्ज झाले आहेत. त्यांची नाव देखील आता समोर येत आहेत. अशातच आशिक बनाय गर्ल अभिनेत्री तनुश्री दत्ता हिने सलमानच्या शोवर संताप व्यक्त केला आहे.

या नव्या सीजनमध्ये तनुश्री देखील सहभागी होऊ शकते असे सांगण्यात आले होते. मात्र, या सुरू असलेल्या चर्चांवर खुद्द तमुश्री दत्ताने स्पष्टीकरण दिले आहे. त्यामुळे सुरू असलेल्या चर्चांना पूर्णविराम मिळाला आहे. अशा टॉक्सिक रिॲलिटी शोमध्ये सहभागी होणं हा माझा स्वभाव, माझी पर्सनॅलिटी नाही. जिथे माझ्या प्रायव्हसीचा सार्वजनिक वापर केला जात आहे, असे म्हणत तनुश्रीने या शोवर संताप व्यक्त केला.

मला समजत नाही की ते दरवर्षी माझं नाव का ओढतात? असा प्रश्नही तिने उपस्थित केला आहे. ते अनेक लोक आणि एजन्सी मला फोन करतात. ते मला इतर प्रोजेक्ट्सच्या बैठकांना उपस्थित राहण्यास देखील प्रोत्साहित करतात, असेही तनुश्रीने सांगितले आहे.

तसेच दरवर्षी सीझन सुरू होण्यापूर्वी ते वेड्यासारखे माझा पाठलाग करू लागतात. त्यांच्यापासून सुटका मिळवण्यासाठी मला त्यांना ब्लॉक करावे लागते, अशा शब्दांत अभिनेत्री तनुश्री दत्ताने आपला संताप व्यक्त केला आहे.’ आशिक बनाया आपने’ या चित्रपटामुळे अभिनेत्री तनुश्री दत्ता रातोरात स्टार झाली. सध्या तिने बिग बॅास शो विषयी थेट विधान केल्याने ती चर्चेत आहे.

हेही वाचा : जश्री प्रधानने शेअर केला बस स्टॉपवरील फोटो; म्हणाली ‘त्या जागी जाऊन पुन्हा एकदा…’