मुंबई – बॉलीवूड अभिनेता आमिर खान सध्या त्याच्या ‘लाल सिंह चड्ढा’ या चित्रपटामुळे सतत चर्चेत आहे. अशातच चित्रपट प्रदर्शित झाल्यानंतर ‘हर घर तिरंगा अभियान’मध्ये सहभागी होऊन त्याने आपल्या मुंबईतील घरी तिरंगा फडकवला आहे. स्वातंत्र्याला ७५ वे वर्ष पूर्ण झाल्यानिमित्त देशभरात स्वातंत्र्याचा अमृत महोत्सव साजरा केला जात आहे. आमिर खान देखील याचा एक भाग बनला आहे.

केंद्र सरकारच्या वतीने देशातील प्रत्येक नागरिकाला त्यांच्या घरी तिरंगा फडकवण्याचे आवाहन करण्यात येत आहे. स्वातंत्र्याला 75 वर्षे पूर्ण झाल्यानिमित्त 13 ऑगस्ट ते 15 ऑगस्ट दरम्यान हर घर तिरंगा मोहीम राबविण्यात येणार आहे. या मोहिमेत भाग घेत बॉलिवूड अभिनेता आमिर खानने आपल्या घराच्या बाल्कनीत देशाचा झेंडा फडकवला आहे. मीडिया रिपोर्ट्सनुसार, आमिर मुंबईतील त्याच्या राहत्या घरी मुलगी इरा खानसोबत बाल्कनीत झेंडा फडकवताना दिसला.

अमीरने आसाम दौरा केला रद्द 
आमिर खान आसाममध्ये 75 वा स्वातंत्र्यदिन साजरा करणार होता. आसामचे मुख्यमंत्री हिमंता बिस्वा यांनी त्यांना बोलावले होते पण त्यांच्याच विनंतीवरून अमीरने त्यांचा प्रस्तावित दौरा पुढे ढकलला आहे. मुख्यमंत्र्यांनी आमीरला आपला दौरा पुढे ढकलण्याची विनंती केली होती जेणेकरून लोकांचे लक्ष स्वातंत्र्य दिनाच्या उत्सवापासून विचलित होऊ नये, त्यांनी अभिनेत्याला 15 ऑगस्टनंतर येण्याची विनंती केली आहे.

आमिर तब्बल चार वर्षांनी दिसला पडद्यावर 
गुरुवारी आमिर खान तब्बल चार वर्षांनी पडद्यावर दिसला. ‘लाल सिंग चड्ढा’ हा टॉम हॅक्सच्या हॉलिवूड चित्रपट ‘फॉरेस्ट गंप’चा अधिकृत हिंदी रिमेक आहे, जो 1994 मध्ये आला होता,  थिएटरमध्ये प्रदर्शित झाला आहे. ‘लाल सिंग चड्ढा’ची पटकथा अतुल कुलकर्णी यांनी तर ओरेस्ट गंपची पटकथा एरिक रॉथ यांनी लिहिली आहे.