Aamir Khan and Rachel Shelley : बॉलीवूड अभिनेता आमिर खानचा २००१ ला प्रदर्शित झालेला ‘लगान’ चित्रपट सुपरहिट ठरला. आजही या चित्रपटाची क्रेझ कायम आहे. २०२६ मध्ये या सिनेमाला २५ वर्षे पूर्ण झाली आहेत. त्यानिमित्ताने लगान सिनेमातील कलाकार एकत्र आले होते. यानिमित्त झालेल्या रॅचेल शेली आणि आमिर खानच्या भेटीने अनेकांचे लक्ष वेधून घेतले आहे. ‘लगान’ सिनेमात रॅचेल शेलीने एलिझाबेथ रसेल ही भूमिका साकारली होती. Aamir Khan and Rachel Shelley

आमिर खान लंडन इंडियन फिल्म फेस्टिव्हलमध्ये सहभागी झाला आहे. याच फेस्टिव्हलमध्ये ‘लगान’च्या सिल्व्हर ज्युबिली सेलिब्रेशनदरम्यान रॅचेल शेलीशी भेट झाली. रॅचेलने या भेटीचे काही खास फोटो, व्हिडीओ इन्स्टाग्रामवर शेअर केले आहेत.

रेड कार्पेटवर आमिर व रॅचेल एकमेकांना मिठी मारतात आणि त्यानंतर दोघेही पापाराझींसाठी पोज देताना दिसत आहेत. यावेळी  रॅचेलने पांढऱ्या रंगाचा ड्रेस परिधान केला होता, तर आमिर खान जीन्स आणि टी-शर्ट अशा लूकमध्ये दिसला. रेचल शेली आता ५६ वर्षांची असली तरी तिचा फिटनेस आणि चेहऱ्यावरील तेज कायम दिसते.  Aamir Khan and Rachel Shelley

हे फोटो शेअर करताना रॅचेलने लिहिले की, ‘लगान’ला २५ वर्षे पूर्ण झाली, त्याबद्दल इतके सुंदर पद्धतीने सेलिब्रेशन केले, त्यासाठी आमिर खान प्रोडक्शन आणि लंडन फिल्म फेस्टिव्हल यांचे आभार.’ आमिर व रॅचेलचे हे फोटो पाहिल्यानंतर चाहत्यांनी आनंद व्यक्त केला आहे. सध्या रॅचेल हॉलिवूड आणि ब्रिटिश मनोरंजनसृष्टीत सातत्याने काम करत असून अलीकडेच ‘यंग शेरलॉक’ या टीव्ही मालिकेत झळकली होती.

हेही वाचा : 

Iran US Conflict: इराणला घेरण्यासाठी अमेरिकेची ‘होर्मुझ’ रणनीती ; रशियाचा थेट इशार, ‘दिलेली आश्वासने मोडली’