प्रभात वृत्तसेवा पुणे – शहरात प्रेम, भावना आणि कुटुंबीयांच्या अपेक्षांच्या तणावात अडकलेल्या दोन जिवांची दुःखद कथा समोर आली आहे. एका तरुणाने आपल्या प्रेयसीची हत्या करून स्वतः रेल्वेखाली झोकून देत जीवन संपवले आहेखून झालेल्या तरुणीचे नाव दिव्या निघोत (२३, रा. लोणीकंद) असे आहे, तर आत्महत्या केलेल्या तरुणाचे नाव गणेश काळे (रा. येरवडा) असे आहे. दोघेही बंडगार्डन येथील एका खासगी रुग्णालयात लॅब टेक्निशिअन म्हणून काम करत होते. कामाच्या ठिकाणी झालेल्या भेटीमध्ये दोघांत प्रेमाचे नाजूक संबंध निर्माण झाले होते. मात्र, घरच्यांनी हे नाते स्वीकारले नाही.शनिवारी दिव्याने आपल्या कुटुंबातील सदस्यांना मी मैत्रिणीसोबत चित्रपट पाहायला जातेअसे सांगून घर सोडले. पण, त्यानंतर ती परत आलीच नाही. काळजीत असलेल्या कुटुंबाने लोणीकंद पोलीस ठाण्यात हरवल्याची तक्रार नोंदवली. याच दरम्यान तळेगाव रेल्वे ट्रॅकवर आज, रविवारी एक मृतदेह सापडला. तपासात मृत व्यक्ती हा गणेश काळे असल्याचे समोर आले. पोलीस दुपारी गणेशच्या राहत्या पत्त्यावर गेले असता घरातील दृश्य पाहून त्यांचा थरकाप उडाला तेथे दिव्या मृतावस्थेत आढळली. तिच्या नाकाला मार लागलेला होता. दिव्याचा खून करुन गणेशने आत्महत्या केल्याचा निष्कर्ष पलिसांनी काढला .येरवडा पोलिसांनी गणेश काळेविरुद्ध खुनाचा गुन्हा दाखल केला आहे.
