Toxic First Day Box Office :पहिल्याच दिवशी जोरदार ‘मुसंडी’, पण खरी परीक्षा वीकेंडनंतर; पाहा ‘टॅाक्सिक’चे बॅाक्स अॅाफिस कलेक्शन
Toxic First Day Box Office : चित्रपटाची एकूण कमाई १२०.७५ कोटी रुपये झाली आहे. 'टॉक्सिक'ची जगभरातील एकूण कमाई १४०.७५ कोटी रुपयांवर पोहोचली आहे.
Toxic First Day Box Office : रॉकिंग स्टार यशच्या बहुचर्चित ‘टॉक्सिक: अ फेअरी टेल फॉर ग्रोन-अप्स’ हा चित्रपट २६ अॅागस्टला देशभरातील चित्रपटागृहांमध्ये प्रदर्शित झाला. आता चित्रपटाला घेऊन प्रेक्षकांच्या प्रतिक्रिया आणि चित्रपट समीक्षणे समोर येत असून, चित्रपटावर जोरदार टीका केली जात आहे.
यामुळे चित्रपटाला नकारात्मक प्रतिसाद मिळाला असला तरी, बंपर ओपनिंग चित्रपटाला मिळाली आहे. भारतात पहिल्याच दिवशी टॉक्सिकने १०१ कोटी रुपयांची निव्वळ कमाई केली असून चित्रपटाच्या हिंदी व्हर्जेनने ५५ कोटी रुपयांचा गल्ला गोळा केला आहे.
ॲडव्हान्स बुकिंगवरूनच ‘टॉक्सिक’ला बंपर ओपनिंग मिळेल असा अंदाज वर्तवण्यात आला होता. त्यानुसार चित्रपटाने अपेक्षेप्रमाणेच कामगिरी केली आहे. सॅकनिलकच्या (SacNilk) अहवालानुसार, चित्रपटाचे भारतातील २४,५७९ शोजमधून १०१.१० कोटी रुपयांची निव्वळ कमाई केली आहे. चित्रपटाची एकूण कमाई १२०.७५ कोटी रुपये झाली आहे. ‘टॉक्सिक’ची जगभरातील एकूण कमाई १४०.७५ कोटी रुपयांवर पोहोचली आहे.
Toxic First Song Tabaahi:
या कमाईचा मोठा वाटा हिंदी शोजमधून आला असून, हिंदीमध्ये ५५ कोटी रुपये कमावले आहेत. कन्नडमध्ये २३ कोटी रुपये, मल्याळममध्ये १.३० कोटी रुपये, तमिळमध्ये ५.५० कोटी रुपये आणि तेलगूमध्ये १६ कोटी रुपयांची कमाई केली आहे. असे असले तरी वीकेंपर्यंत चित्रपट कशी कामगिरी करणार याकडे लक्ष लागले आहे.
‘टॉक्सिक’ची पहिल्या दिवसाची कमाई दमदार असली तरी, तो रणवीर सिंगच्या ‘धुरंधर २’ ला मागे टाकू शकलेला नाही. यावर्षी मार्चमध्ये प्रदर्शित झालेल्या ‘धुरंधर २’ ने पहिल्याच दिवशी १०३ कोटी रुपयांची निव्वळ कमाई केली होती. हा चित्रपट अजूनही २०२६ मधील सर्वोत्तम ओपनिंग मिळवणारा चित्रपट आहे.
विशेष म्हणजे यश ‘टॉक्सिक’च्या बाबतीत स्वतःच्याच ‘केजीएफ २’ ला मागे टाकू शकला नाही, ज्याने पहिल्याच दिवशी ११६ कोटी रुपयांची निव्वळ कमाई केली होती. यशने या चित्रपटाद्वारे चार वर्षांनंतर कमबॅक केले आहे. ‘KGF 2’ च्या प्रचंड यशानंतर त्याचा पुढचा प्रोजेक्ट दमदार असेल अशी सर्वांना अपेक्षा होती. मात्र, ‘टॉक्सिक’ प्रेक्षकांची ही अपेक्षा पूर्ण करण्यात असफल ठरला आहे. समीक्षकांनी या चित्रपटाला एक छळवणूक करणारा चित्रपट म्हटले आहे.
