मराठमोळ्या आईची दीपिकाला खास भेट; अभिनेत्रीच्या ‘त्या’ कृतीचे नेटकऱ्यांकडून कौतुक
Deepika Padukone | बॉलिवूड अभिनेत्री दीपिका पादुकोण अभिनयासह तिच्या प्रेमळ स्वभावासाठी देखील ओळखली जाते. याचा पुन्हा एकदा प्रत्यय आला आहे. सध्या सोशल मिडियावर दीपिकाचा एक व्हिडीओ व्हायरल होत आहे. ज्यात ती एका चाहत्याच्या आईला प्रेमाने भेटताना आणि त्यांनी आणलेली खास भेट स्वीकारताना दिसते.
हा व्हिडिओ दीपिकाच्या एका चाहत्याने शेअर केला आहे, ज्याला दीपिकाने एका विशेष ‘मीट अँड ग्रीट’ कार्यक्रमासाठी आमंत्रित केले होते. या वेळी हा चाहता आपल्या आईलाही सोबत घेऊन आला होता. विशेष म्हणजे त्या चाहत्याच्या आईने दीपिकासाठी स्वतःच्या हाताने बनवलेली ‘पुरणपोळी’ भेट म्हणून आणली होती. दीपिकाने ही घरगुती भेट अतिशय आनंदाने स्वीकारली आणि त्यांचे आभार मानले.
जेव्हा चाहत्याच्या आईने दीपिकाला प्रत्यक्ष पहिल्यानंतर त्यांनी अतिशय नम्रपणे अभिनेत्रीची भेट घेतली. दीपिकानेही मोठ्या प्रेमाने त्यांच्याशी संवाद साधला आणि त्यांचा हात हातात घेतला. सोबतच त्यांच्यासोबत फोटो काढला. दीपिकाचा हा व्हिडिओ पाहिल्यानंतर अनेकांकडून तिचे कौतुक केले जात आहे. Deepika Padukone |
View this post on Instagram
चाहत्याने आईसोबतचा दीपिकाचा हा व्हिडिओ शेअर करत पोस्टमध्ये लिहिले की, “माझी आई दीपिकाला भेटल्यावर पूर्णपणे स्तब्ध झाली होती. जेव्हा दीपिकाने तिचा हात धरला, तेव्हा ती काहीशी भावुक झाली होती. हा क्षण आमच्यासाठी अविस्मरणीय आहे.” दरम्यान, आई झाल्यानंतर दीपिकाला आठ तासांच्या कामच्या वेळेवरुन काही चित्रपटांमधून बाहेर पडावे लागले. यानंतर आता लवकरच ती शाहरुख खानच्या ‘किंग’ सिनेमातून प्रेक्षकांच्या भेटीला येणार आहे.Deepika Padukone |
हेही वाचा:
देशातील विद्यापीठांमध्ये विद्यार्थी संघटनांच्या निवडणुका घेण्याची याचिका न्यायालयाने फेटाळली
