Bhagam Bhag 2 : अक्षय कुमार, परेश रावल आणि गोविंद या त्रिकुटाच्या जुगलबंदीने सजलेल्या ‘भागम भाग’ या सिनेमाच्या सिक्वेलविषयी विविध चर्चा २०२५ पासून रंगत आहेत. या केवळ चर्चा होत्या. आता मात्र, ‘भागम भाग’च्या सिक्वलविषयी एक मोठी अपडेट समोर आली आहे.

२००६ मध्ये प्रदर्शित झालेल्या भागम भागचे दिग्दर्शन प्रियदर्शन यांनी केले होते. हा कॅामेडी सिनेमा बॅाक्स अॅाफिसवर हिट ठरला. या सिनेमाच्या सिक्वलचे दिग्दर्शन राज शांडिल्य करणार असल्याचे समोर आले असून, त्यांनीच सिक्वलविषयी हिंट दिली आहे.

राज शांडिल्य यांनी त्यांच्या इन्स्टाग्रामवर एक पोस्ट शेअर केली आहे. “थोडा वेळ थांबा… मग सगळे सिग्नल मिळतील,” असं त्यांनी पोस्टमध्ये म्हटलं आहे. विशेष म्हणजे, ‘सिग्नल’ हा मूळ भागम भाग सिनेमातील लोकप्रिय गाण्याचा संदर्भ असल्याने चाहत्यांनी हा सिक्वलचा मोठा संकेत असल्याचा अंदाज व्यक्त केला आहे.

Bas thoda aur intzaar…uske baad saare ‘SIGNAL’ khulne waale hain…

— Raaj Shaandilyaa (भारतीय हिन्दू) (@writerraj) July 13, 2026

Abhijit Kelkar : तुकाराम मुंढेंना शिक्षण खातंही सोपवा; मराठी अभिनेत्याची मुख्यमंत्री देवेंद्र फडणवीसांकडे मागणी, पोस्ट चर्चेत

राज यांच्या पोस्टनंतर परेश रावल यांनी तीच पोस्ट “Amen!” असे लिहित पुन्हा शेअर केली. त्यामुळे लवकरच ‘भागम भाग २’चा फर्स्ट लूक किंवा अधिकृत घोषणा होण्याची शक्यता वर्तवली जात आहे. २००६ मध्ये प्रदर्शित झालेल्या ‘भागम भाग’ या सिनेमाने प्रेक्षकांना खळखळून हसवलं होतं. अक्षय गोविंदा आणि परेश रावल यांच्या अभिनयाने चाहत्यांना भुरळ पाडली होती. याशिवाय सिनेमातील इतरही कलाकारांच्या अभिनयाची प्रेक्षकांनी प्रशंसा केली होती.

गोविंदाच्या जागी मनोज बाजपेयी

लंडनमध्ये एका खून प्रकरणात अडकलेल्या नाट्यसंस्थेतील तीन सदस्यांची भन्नाट कथा या सिनेमात दाखवण्यात आली होती. अक्षय कुमार, परेश रावल आणि गोविंदा यांनी प्रमुख भूमिका साकारल्या होत्या. सिक्वलमध्ये गोंविदा नसणार असल्याचे सांगण्यात येत आहे. या अभिनेत्याच्या जागी लोकप्रिय अभिनेता मनोज बाजेपेयीला कास्ट करण्यात आल्याचे सांगण्यात येत आहे.

Aamir Khan and Rachel Shelley : ‘लगान’ चित्रपटातील एलिझाबेथ आणि आमिर खान 25 वर्षानंतर एकत्र