Maharashtra Politics : हिंगोलीच्या राजकारणात मोठी घडामोड घडण्याची शक्यता आहे. शिवसेना (उद्धव बाळासाहेब ठाकरे) पक्षाचे माजी आमदार डॉ. संतोष टारफे यांनी उद्धव ठाकरे यांची साथ सोडून उपमुख्यमंत्री एकनाथ शिंदे यांच्या शिवसेनेत प्रवेश करण्याचा निर्णय घेतल्याची माहिती समोर आली आहे. टारफे यांच्यासोबत जिल्हाप्रमुख, तालुकाप्रमुख आणि अनेक पदाधिकारीही शिंदेसेनेत प्रवेश करणार असल्याचे सांगण्यात येत आहे. (Maharashtra Politics)

उद्या, मुंबईत एकनाथ शिंदे यांच्या उपस्थितीत हा पक्षप्रवेश सोहळा पार पडणार असल्याची माहिती आहे. या घडामोडीमुळे हिंगोली जिल्ह्यातील राजकीय समीकरणांमध्ये बदल होण्याची शक्यता वर्तवली जात आहे. (Maharashtra Politics)

संतोष टारफे ठाकरेंची साथ सोडणार?

कळमनुरी विधानसभा मतदारसंघाचे माजी आमदार डॉ. संतोष टारफे यांनी शिंदेसेनेत जाण्याचा निर्णय घेतल्याची माहिती समोर आली आहे. त्यांच्या या निर्णयामुळे हिंगोलीतील ठाकरे गटाला मोठा धक्का बसण्याची शक्यता आहे. (Maharashtra Politics)

शिवसेनेचे आमदार संतोष बांगर यांच्या नेतृत्वाखाली हा पक्षप्रवेश सोहळा होणार असल्याचे सांगितले जात आहे. डॉ. संतोष टारफे यांच्यासह ठाकरे गटातील जिल्हाप्रमुख, तालुकाप्रमुख आणि इतर पदाधिकारीही यावेळी शिंदेसेनेत प्रवेश करणार आहेत. (Maharashtra Politics)

100 पदाधिकारी आणि कार्यकर्ते शिंदेसेनेत?

एस. पी. राठोड, रमेश जाधव, सखाराम उबाळे आणि डिके दुर्गे पाटील यांच्यासह ठाकरे गटातील काही प्रमुख पदाधिकारी शिंदेसेनेत प्रवेश करणार असल्याची माहिती आहे. या पक्षप्रवेशासाठी हिंगोलीतून मोठ्या संख्येने कार्यकर्ते मुंबईकडे रवाना झाल्याचे सांगण्यात येत आहे. (Maharashtra Politics)

आगामी निवडणुकांवर परिणाम होणार?

डॉ. संतोष टारफे यांच्या संभाव्य पक्षप्रवेशामुळे हिंगोली जिल्ह्यात शिंदेसेनेची ताकद वाढू शकते, अशी चर्चा राजकीय वर्तुळात सुरू आहे. आगामी स्थानिक स्वराज्य संस्थांच्या निवडणुकांच्या पार्श्वभूमीवर या घडामोडीला महत्त्व प्राप्त झाले आहे. (Maharashtra Politics)

Maharashtra Politics : अर्थ खाते पुन्हा राष्ट्रवादीकडे द्यावे; अजित पवार गटाच्‍या वरिष्‍ठ नेत्‍यांनी घेतली अमित शहांची भेट