Tukaram Mundhe : निर्भीड अधिकारी! जीवे मारु असं धमकावणाऱ्यांना तुकाराम मुंढेंचा ‘दबंग’ स्टाइल इशारा थेट म्हणाले…
Tukaram Mundhe : हे कारवाईचे सत्र सुरूच असून, याच दरम्यान तुकाराम मुढेंनी घेतलेल्या निर्णयांची देखील चर्चा होत आहे.
Tukaram Mundhe : अन्न व औषध प्रशासन (एफडीए) आयुक्तपदाची सूत्रे हाती घेतल्यापासून तुकाराम मुंढे पुन्हा एकदा चर्चेत आले आहेत. भेसळयुक्त अन्नपदार्थ, गुटखा माफिया आणि विविध अवैध कारवायांविरोधात त्यांनी सुरू केलेल्या धडक मोहिमेमुळे अनेकांचे धाबे दणाणले आहेत.
त्यांनी मे महिन्याच्या अखेरीस अन्न व औषध प्रशासनाचा पदभार स्वीकारल्यानंतर या विभागातून पथकाने राज्यातील अनेक ठिकाणी छापे टाकत कोट्यवधी रुपयांचा भेसळयुक्त व निकृष्ट दर्जाचा माल जप्त केला आहे. हे कारवाईचे सत्र सुरूच असून, याच दरम्यान तुकाराम मुढेंनी घेतलेल्या निर्णयांची देखील चर्चा होत आहे.
सर्वसामान्यांच्या आरोग्याशी खेळणाऱ्यांविरोधात कठोर भूमिका घेतल्याने तुकाराम मुंढे आणि त्यांच्या कुटुंबीयांना धमक्या मिळत आल्या आहेत. आता सोशल मीडियावर याविषयी चर्चा रंगली आहे. तर काही ठिकाणी एफडीएच्या पथकांवर हल्ल्याच्या घटनाही समोर आल्या आहेत. संभाजीनगरमध्ये एफडीएच्या अधिकाऱ्यांवर हल्ला झाल्याचे वृत्तही समोर आले आहे.
Tukaram Mundhe
या पार्श्वभूमीवर तुकाराम मुंढेंचं 2017 मधील एक जुनं विधान पुन्हा व्हायरल होत आहे. पुणे महानगर परिवहन महामंडळ (PMPML) चे अध्यक्ष आणि व्यवस्थापकीय संचालक असताना त्यांना धमकीची पत्रे आली होती. त्यावेळी त्यांनी धमक्यांना न घाबरण्याची भूमिका स्पष्ट शब्दांत मांडली होती.
काय म्हणाले होते तुकाराम मुंढे?
“मला आणि माझ्या कुटुंबाला जीवे मारण्याच्या धमक्या मिळाल्या आहेत. मात्र अशा धमक्यांमुळे माझे निर्णय बदलणार नाहीत. धमक्या देणाऱ्यांनी आधी माझा इतिहास पाहावा,” असे सडेतोड उत्तर त्यांनी दिले होते. सार्वजनिक हितासाठी घेतलेले निर्णय कोणत्याही दबावाखाली बदलणार नसल्याचे त्यांनी त्यावेळी स्पष्ट केले होते.
दरम्यान, एफडीएच्या अलीकडील कारवाईत मुंबईतील मुलुंड परिसरातील एका प्रसिद्ध चाट सेंटरवर छापा टाकण्यात आला. या कारवाईत 100 किलोहून अधिक बनावट, भेसळयुक्त आणि निकृष्ट दर्जाचा माल जप्त करण्यात आला. यामध्ये शेवपुरी आणि पाणीपुरीसाठी वापरल्या जाणाऱ्या पुऱ्या तसेच रासायनिक रंग लावलेले वटाणे आढळून आले.
एफडीएच्या या धडक मोहिमेमुळे भेसळखोरांमध्ये भीतीचे वातावरण निर्माण झाले असून, त्यामुळे तुकाराम मुंढे यांच्या कठोर आणि तडफदार कार्यशैलीची पुन्हा एकदा चर्चा सुरू झाली आहे.
