Mohammad Siraj : इंग्लंडमधील कसोटी सीरिजमध्ये टीम इंडियाचा स्टार गोलंदाज मोहम्मद सिराजने उत्तम खेळी केली. चाहत्यांकडून त्याच्यावर कौतुकाचा वर्षाव करण्यात आला. इंग्लंडमध्ये टीम इंडियाच्या यशात स्टार गोलंदाज मोहम्मद सिराजने महत्त्वाची भूमिका बजाविली आहे. यानंतर सिराज चर्चेत आला. त्याच्या खाजगी आयुष्यातील गोष्टींवर बातम्या समोर आल्या. त्याच्या अफेअरच्या चर्चा सुरू झाल्या. या सामन्यानंतर टीम इंडियातील खेळाडू आपापल्या घरी परतले आहेत. नुकताच रक्षाबंधनाचा बहिण भावाच्या पवित्र नात्याचा अर्थ सांगणारा सण साजरा करण्यात आला. सिराजनेही त्याच्या हैदराबादमधील राहत्या घरी रक्षाबंधन साजरं केलं. पण त्याच्या ज्या मुलीसोबत अफेअरच्या चर्चा रंगत होत्या, त्याच मुलीने त्याला राखी बांधली आहे. त्यामुळे सोशल मीडियावर सुरू असलेल्या चर्चांना पूर्णविराम मिळाला आहे. या मुलीने सिराजला राखी बांधतानाचा फोटो सोशल मीडियावर व्हायरल झाला आहे. ज्येष्ठ गायिका आशा भोसले यांची नात जनाई भोसलेनं सिराजला राखी बांधली आहे. जनाईने तिच्या ईन्स्टाग्रावरून याचा व्हिडीओ शेअर केला आहे. या व्हिडीओवर चाहत्यांकडून कमेंटचा वर्षाव होत आहे. View this post on Instagram A post shared by Zanai Bhosle💜 (@zanaibhosle) व्हिडीओच्या कॅप्शनमध्ये जनाईने सिराजला ‘प्रिय भाऊ’ असं म्हटलं आहे, तर सिराजनेही तिचा फोटो शेअर करत ‘जनाईसारखी दुसरी कोणती बहीण नाही’ अशा शब्दांत तिचं कौतुक केलं आहे. यामुळे आता या दोघांमध्ये बहिण भावाचं नातं असल्याचं स्पष्ट झालं आहे. जनाईच्या वाढदिवसाच्या पार्टीतील या दोघांचा एक फोटो सोशल मीडियावर व्हायरल झाला होता, तेव्हापासून दोघांमध्ये अफेअर सुरू असल्याच्या चर्चा रंगल्या होत्या. जनाईने सिराजला राखी बांधल्यामुळे सुरू असलेल्या चर्चांना फुलस्टॅाप मिळाला आहे. कोण आहे जनाई भोसले? जनाई ही आशा भोसले यांची नात असून त्यांचा मुलगा आनंद आणि अनुजा भोसले यांची मुलगी आहे. ती विविध कार्यक्रमांमध्ये आशा भोसले यांच्यासोबत असते. ती अनेक पार्ट्यांमध्येही दिसली असून, ती अभिनेत्री श्रद्धा कपूर हिच्यासोबतही स्पॅाट झाली आहे. ती खूप सुंदर असून, तिचं सौंदर्यं मिस वर्ल्ड आणि मिस युनिव्हर्स यांनाही टक्कर देणारं असल्याचं सांगतिलं जातं. हेही वाचा : “हे बुद्धिबळ खेळण्यासारखे, आम्ही त्यांना…” ; ‘ऑपरेशन सिंदूर’ची योजना कशी आखली?, लष्करप्रमुखांनी सांगितला संपूर्ण घटनाक्रम
