नवी दिल्ली – भारतीय वायुसेनेचे अपग्रेडेशन केले जात असून वर्ष २०३२ पर्यंत वायुसेनेत ४२ स्क्वाड्रन्स असतील, अशी माहिती एअर मार्शल आशुतोष दीक्षित यांनी डिफेन्स समिटमध्ये दिली आहे. सध्या हवाई दलात स्क्वाड्रनची संख्या कमी आहे. त्यामुळे आम्ही या दिशेने काम करत आहोत.

गोखले पुढे म्हणाले की, भारतीय हवाई दल आपला पारंपरिक ढाचा बदलून आधुनिक तंत्रज्ञानाचा झपाट्याने अवलंब करत आहे. येत्या काही वर्षात ते संपूर्णपणे नव्या रूपात आणि फायर पॉवरसह जगातील सर्व हवाई दलांशी ताळमेळ राखताना दिसेल. हवाई दलाची क्षमता वाढवण्यासाठी आणि आधुनिकीकरणासाठी वेगाने काम सुरू असून येत्या काही वर्षांत परिस्थिती अधिक चांगली होईल. आम्ही फायटर जेट तेजससाठी करार केला आहे. आणखी काही मंजुरीही मिळाल्या आहेत. आम्ही हलक्या लढाऊ विमानांमध्ये एका वर्षात किमान २४ जेट्स वितरित करण्यास सांगितले आहे. आजमितीस ते एका वर्षात १२-१३ तेजस देऊ शकतात. जर सर्व काही योजनेनुसार झाले तर २०३२ मध्ये ४२ फ्लीट्स सज्ज असतील.

गोखले असेही म्हणाले की, आमच्या सुविधेतून एचएएलची निर्मिती झाली. त्यानंतर आम्ही मारुत विमान बनवले आणि नंतर बनवलेली सर्व एमआयजी विमाने येथेच बनवली गेली. त्यानंतर भारतीय वायुसेनेने एलसीए बनवण्याचा आग्रह धरला. आज आम्ही तेजसने उड्डाण करत आहोत. याशिवाय अनेक शस्त्रे आहेत, जी स्वदेशी आहेत, त्यांचाही लष्करात समावेश केला जाईल. आकाश असो, शस्त्रास्त्रे असोत, सर्व यंत्रणा देशातच बनते. रडार आम्ही हवाई दलाच्या क्षेत्रात पूर्णपणे स्वावलंबी झालो आहोत. काही गोष्टी वगळता हवाई दल सर्वच बाबतीत स्वावलंबी बनले आहे.

देशात तयार होणारी शस्त्रे पूर्णपणे स्पर्धात्मक आहेत. ही सर्व शस्त्रे युद्धे लढण्यास पूर्णपणे सक्षम आहेत. लांब पल्ल्याच्या शस्त्रास्त्रांचे युग येत आहे, आम्हीही त्यावर लक्ष केंद्रित करत आहोत. आम्ही खरेदी केलेली वाहतूक विमानेही टाटा बनवत आहेत. सध्याचे सरकार आणि लष्कराचा खासगी क्षेत्रावर पूर्ण विश्वास आहे आणि यापुढेही राहील.
– आशुतोष दीक्षित, एअर मार्शल