श्रीनगर  – काश्मीरमधील तरुणांना कौशल्य विकासासह सक्षम करण्यासाठी भारतीय लष्कर वचनबद्ध आहे. यासाठी भारतीय लष्कराने नुकताच खोऱ्यात फिल्म मेकिंग कोर्स आयोजित केला होता. भारतीय लष्कराने पुण्याच्या फिल्म अँड टेलिव्हिजन इन्स्टिट्यूट ऑफ इंडिया यांच्या सहकार्याने हा स्मार्टफोन फिल्म मेकिंग कोर्स आयोजित केला होता. काश्मिरी तरुणांच्या सर्जनशीलतेला आणि कौशल्य विकासाला चालना देणे हा त्याचा उद्देश आहे.

या कोर्सद्वारे लष्कराने काश्मीरमधील ४० तरुणांना सक्षम करण्यात आले आहे. स्मार्टफोन फिल्म मेकिंग कोर्सद्वारे, तेथील इच्छुक चित्रपट निर्मात्यांना त्यांच्या स्मार्टफोनचा वापर करून कथाकथनासाठी आवश्यक माहिती आणि साधने प्रदान करण्यात आली. आजच्या डिजिटल युगात व्हिज्युअल माध्यमाची ताकद ओळखून, भारतीय लष्कर काश्मिरी तरुणांना आवश्यक कौशल्यांसह सक्षम करण्यासाठी वचनबद्ध आहे. या प्रयत्नामुळे खोऱ्यातील तरुणांची सर्जनशीलता तर वाढेलच, शिवाय त्यांच्यासाठी संधींची नवी दारेही खुली होतील.

या कोर्समध्ये स्मार्टफोन वापरून चित्रपट निर्मितीच्या विविध पैलूंचा समावेश करण्यात आला होता. यात स्क्रिप्ट रायटिंग, सिनेमॅटोग्राफी, एडिटिंग आणि पोस्ट-प्रॉडक्शन तंत्र इत्यादींचा समावेश आहे. हा अभ्यासक्रम अनुभवी व्यावसायिक आणि सल्लागारांनी आयोजित केला होता. भारतीय सैन्याला विश्वास आहे की शिक्षणामध्ये परिवर्तनाची शक्ती आहे आणि त्यांचा पुढाकार खोऱ्यातील तरुणांच्या सर्वांगीण विकासासाठी उपयुक्त ठरेल.