Israeli airstrike on Gaza : – दक्षिण गाझामध्ये इस्रायलने एका रुग्णालयावर केलेल्या माऱ्यामध्ये चार पत्रकारांचा मृत्यू झालाआहे. मृतांमध्ये असोसिएटेड प्रेस या वृत्तसंस्थेच्या पत्रकाराचाही समावेश आहे, असे आरोग्य अधिकाऱ्यांनी म्हटले आहे.

मरियम दग्गा असे या हल्ल्यात ठार झालेलप्या ३८ वर्षीय मुक्त पत्रकार महिलेचे नाव आहे. त्या गाझामधील युद्ध सुरू झाल्यापासून एपी या वृत्तसंस्थेसाठी आणि अन्य दोन माद्यमांसाठी वार्तांकनाचे काम करत होत्या. मरियम दग्गा आणि अन्य काही पत्रकारांच्या आकस्मित मृत्यूचे वृत्त धक्कादायक आणि दुःखदायक अल्याचे एपी वृत्तसंस्थेने म्हटले आहे.

नासेर रुग्णालयावर झालेल्या या हल्ल्यात एकूण १९ जण ठार झाले, असे आरोग्य मंत्रालयाच्या रेकॉर्ड विभागाच्या प्रमुखांनी म्हटले आहे. दग्गा यांना १२ वर्षांचा मुलगा असून युद्धाच्या प्रारंभीच्या काळात त्याला गाझामधून बाहेर काढण्यात आले होते.

युद्धाशी संबंधित वार्तांकनासाठी त्या अधूनमधून नासेर रुग्णालयाला भेट देत असत. उपासमारीपासून बालकांना वाचवण्यासाठी डॉक्टरांकडून केले जात असलेल्या प्रयत्नांचे वृत्त मिळवण्याचा त्या प्रयत्न करत होत्या.

नासेर रुग्णायलावरील हल्ल्यात अल जझिरा वृत्तसंस्थेचे पत्रकार मोहम्मद सलाम, रॉयटर्स वृत्तसंस्थेसाठी काम करणारे कॅमेरामन हुसाम अल-मस्री देखील ठार झाले. तर छायाचित्रकार हातेम खालेद जखमी झाले. इस्रायलच्या पंतप्रधानांच्या कार्यालयाने आणि इस्रायली लष्कराने पत्रकारांच्या मृत्यूवर कोणतीही टिप्पणी करण्यास नकार दिला.

युक्रेनपेक्षा गाझामध्ये जास्त पत्रकार ठार
इस्रायल -हमासमधील युद्ध सुरू झाल्यापासून आतापर्यंत १९२ पत्रकार मारले गेले आहेत, असे कमिटी टू प्रोटेक्ट जर्नलिस्टने म्हटले आहे. दुसरीकडे रशिया-युक्रेनदरम्यानच्या युद्धात १८ पत्रकार मारले गेल्याचे या कमिटीने म्हटले आहे.

इस्रायलने सर्व आंतरराष्ट्रीय माध्यमांना युद्धाचे वार्तांन करण्यास मज्जाव केला आहे. आंतरराष्ट्रीय माध्यमांना प्रामुख्याने पॅलेस्टिनी पत्रकारांवरच अवलंबून रहावे लागते आहे. पण पॅलेस्टिनी पत्रकारांच्या वार्तांकनावर इस्रायलकडून पक्षपातीपणाचा आरोप केला जातो.