मुंबई – बॉलिवूड अभिनेता आमिर खान आणि आर. माधवन, शरमन जोशी यांचा बहुचर्चित “3 इडियट्स’ हा बॉलिवूडचा यादगार सिनेमा आहे. आजही हा सिनेमा टीव्हीवर लागला की, चॅनल बदललं जात नाही. या सिनेमातील सगळीच पात्र गाजली असून, आज ही सिनेरसिकांच्या मनावर अधिराज्य गाजवत आहेत. पण या सिनेमातील सर्वाधिक गाजलेलं पात्र म्हणजे, “चतुर’ होय… ‘3 इडियट्स’ मधील चतुर म्हणजेच अभिनेता “ओमी वैद्य’ने आपल्या हटके शैलीमुळे प्रेक्षकांच्या मनावर स्वतःची अशी वेगळी छाप सोडली आहे.
View this post on Instagram
या सिनेमात त्याने चतुर उर्फ सायलेन्सरची भूमिका साकारली होती. दरम्यान, सोशल मीडियावर जोरदार सक्रिय असणाऱ्या ओमी वैद्यने नुकतेच आपले काही फोटो इंस्टाग्रामवर शेअर केले असून, त्याचा हा नवीन लूक आणि जबरदस्त अंदाज सर्वांनाच आवडलेला आहे. चित्रपटाव्यतिरिक्त खऱ्या आयुष्याबद्दल बोलायचे झाले तर ओमी वैद्य खूपच स्टायलिश आहे.
View this post on Instagram
शेअर केलेल्या या फोटोंमध्ये ओमी काळ्या रंगाचा सूट घालून खुर्चीवर बसून स्टायलिश पोज देताना दिसत आहे. तर दुसऱ्या फोटोमध्ये तो लाल रंगाच्या पगडीमध्ये अतिशय धडाकेबाज दिसत आहे. धोती कुर्ता परिधान केलेला ओमी वैद्य या फोटोतही खूप गोंडस दिसत आहे.
View this post on Instagram
ज्यामध्ये त्याने लाल रंगाचा प्रिंटेड कुर्ता घातला आहे आणि सोनेरी बॉर्डरसह पांढर्या रंगाचे धोती घातले आहे. दरम्यान, ‘3 इडियट्स’ चित्रपटानंतर अभिनेता ओमी वैद्य अनेक वेब सिरीज मध्ये मुख्य भूमिकेत दिसून आला होता. ओमीचे सोशल मीडियावर लाखो फॉलोवर्स असून, फॅन्स देखील त्याच्या प्रत्येक फोटोवर लाईक्सचा वर्षाव करत असतात.