Tukaram Mundhe : अन्न व औषध प्रशासन (FDA) आयुक्त म्हणून तुकाराम मुंढे यांनी सुरू केलेल्या धडक कारवायांमुळे राज्यातील भेसळ आणि औषध क्षेत्रात मोठी खळबळ उडाली आहे. याच पार्श्वभूमीवर राष्ट्रवादी काँग्रेस (शरद पवार गट)चे आमदार जितेंद्र आव्हाड यांनी विधानसभेत एक गंभीर दावा करत राजकीय आणि प्रशासकीय वर्तुळात चर्चेला तोंड फोडले आहे. (Tukaram Mundhe)

विधानसभेत बोलताना आव्हाड यांनी आरोप केला की, तुकाराम मुंढे यांची बदली करण्यासाठी आंतरराष्ट्रीय ड्रग्ज लॉबी आणि काही औषध कंपन्यांनी तब्बल 250 कोटी रुपये जमा केले आहेत. ड्रग्ज लॉबी, मेडिकल कंपन्या आणि काही प्रभावशाली घटक एकत्र येऊन मुंढे यांच्या विरोधात काम करत असल्याचा दावा त्यांनी केला. (Tukaram Mundhe)

आव्हाड म्हणाले की, राज्यात भेसळीमुळे कर्करोगासारख्या गंभीर आजारांचे प्रमाण वाढत आहे. मात्र, अन्न व औषध प्रशासन विभागाकडे आवश्यक सुविधा आणि अद्ययावत यंत्रणा नसल्याने कारवाईत अडथळे येत आहेत. “तुकाराम मुंढे यांनी पदभार स्वीकारल्यानंतर पहिल्यांदाच भेसळखोरांमध्ये भीती निर्माण झाली आहे. त्यामुळेच त्यांना हटवण्यासाठी मोठे प्रयत्न सुरू आहेत,” असा आरोप त्यांनी केला. (Tukaram Mundhe)

Tukaram Mundhe : तुकाराम मुंढेंना राज्य सरकारचा मोठा धक्का; ‘या’ महत्वाच्या पदावरून हटविले, प्रशासकीय वर्तुळात खळबळ

यावेळी आव्हाड यांनी पालघरमार्गे राज्यात गुटख्याची तस्करी होत असल्याचा मुद्दाही उपस्थित केला. “पालघरमध्ये उतरलेला गुटखा संपूर्ण महाराष्ट्रात कसा पोहोचतो? यामागे कोण आहे, याचा गौप्यस्फोट मी लवकरच करणार आहे,” असे ते म्हणाले. (Tukaram Mundhe)

दरम्यान, अन्न व औषध प्रशासन मंत्री नरहरी झिरवाळ यांनी तुकाराम मुंढे यांच्या बदलीची कोणतीही शक्यता नसल्याचे स्पष्ट केले. “एफडीएकडून सध्या चांगले काम सुरू आहे. मुंढे यांची बदली करण्याचा प्रश्नच उद्भवत नाही,” असे झिरवाळ यांनी सभागृहात सांगितले. (Tukaram Mundhe)

याच चर्चेत आमदार सुधीर मुनगंटीवार यांनीही मुंढे यांच्या कामाचे कौतुक करत त्यांना किमान तीन वर्षे या पदावर कायम ठेवण्याची मागणी केली. तर आमदार अर्जुन खोतकर यांनी मुंढे यांच्या जीवाला धोका असल्याचा दावा करत त्यांना विशेष सुरक्षा देण्याची मागणी सरकारकडे केली. (Tukaram Mundhe)

आव्हाड यांच्या 250 कोटी रुपयांच्या दाव्यानंतर राज्याच्या राजकीय वर्तुळात एकच खळबळ उडाली असून, या आरोपांबाबत पुढे कोणते खुलासे होतात याकडे सर्वांचे लक्ष लागले आहे. (Tukaram Mundhe)

Tukaram Mundhe : गुटखा मिळत नसल्याने तुकाराम मुंडेंना शिवीगाळ; परप्रांतीय कॅब चालकाचा व्हिडिओ व्हायरल होताच…