Sunetra Pawar : काल ४ मार्च २०२६ रोजी एक महत्वाची घडामोड घडली आहे. राष्ट्रवादी काँग्रेस पक्षातील २० आमदारांनी देवगिरी बंगल्यावर जात पक्षाच्या राष्ट्रीय अध्यक्षा आणि उपमुख्यमंत्री सुनेत्रा पवार यांची भेट घेतली. आमदारांनी अचानक सुनेत्रा पवार यांची भेट घेतल्याने राजकीय वर्तुळात चर्चांना उधाण आले होते. ही भेट नेमकी कोणत्या कारणासाठी घेतली याबाबत माहिती समोर आली आहे. २८ जानेवारी २०२६ या दिवशी अजित पवार यांचे विमान अपघातात निधन झाले. त्यांच्या निधानानंतर अपघातावर शंका उपस्थित केली जात आहे. आमदार रोहित पवार यांनी तर अजित पवार यांचा घातपात असल्याचा संशय व्यक्त केला आहे. तसेच व्हीएसआर कंपनी, नागरी उड्डाण संचलनालय (डीजीसीए) यांच्यावर गंभीर आरोप केले आहेत. विमान अपघाताचे गूढ दिवसेंदिवस वाढतच चाललेले आहे. या पार्श्वभूमीवर राष्ट्रवादी काँग्रेसच्या २० आमदारांनी देवगिरी बंगल्यावर पक्षाच्या राष्ट्रीय अध्यक्ष सुनेत्रा पवार (Sunetra Pawar) यांची भेट घेतली. सूत्रांच्या माहितीनुसार, या भेटीत आमदारांनी डीजीसीएने अजित पवार यांच्या विमान अपघाताबाबत सादर केलेल्या अहवालाबाबत अनेक शंका उपस्थित केल्या. सुनेत्रा पवार यांनी काही दिवसांपूर्वीच अजित पवार यांच्या विमान अपघाताची केंद्रीय गुन्हे अन्वेषण विभाग अर्थात सीबीआयकडून चौकशी व्हावी, असे पत्र मुख्यमंत्री देवेंद्र फडणवीस यांना दिले होते. या मागणीचे काय झाले, याबाबत मुख्यमंत्र्यांना विचारणा करावी, अशी मागणी आमदारांनी सुनेत्रा पवार यांच्याकडे केली आहे. यावर सुनेत्रा पवार यांनी देखील आमदारांना लवकरच सगळे जाऊन मुख्यमंत्री देवेंद्र फडणवीस यांची यासंदर्भात भेट घेऊ, असे म्हणत आश्वस्त केले आहे. आमदारांसोबत स्वतंत्रपणे चर्चा? Sunetra Pawar Sunetra Pawar दरम्यान, सुनेत्रा पवार यांनी देवगिरीवर आलेल्या प्रत्येक आमदाराशी स्वतंत्रपणे चर्चा केल्याचेही समजते. या स्वतंत्र भेटीत आमदारांनी सुनेत्रा पवार यांना नेमकं काय-काय सांगितलं, याचा तपशील अद्याप समोर आलेला नाही. अजितदादांच्या वस्तू आमदारांना दाखवल्या Sunetra Pawar आमदारांनी भेट घेतल्यानंतर देवगिरी बंगल्यावर अजित पवार यांच्या अपघातानंतर मिळालेल्या वस्तू सुनेत्रा पवारांनी सगळ्यांना दाखवल्या. यामध्ये अजित पवार यांची चप्पल आणि घड्याळाचा समावेश आहे. त्यावर देखील सुनेत्रा पवार आणि राष्ट्रवादी काँग्रेसच्या आमदारांमध्ये चर्चा झाली. हेही वाचा : Yoga During Periods: मासिक पाळीत योग करा, पण जपून! योग्य माहिती नसल्यास होऊ शकतो त्रास