परभणी – वडापावच्या गाडीत ठेवलेल्या दोन‎ सिलिंडरचा दहा मिनिटांच्या अंतराने ‎स्फोट झाल्याने वसमत रोड हादरले.‎ ही घटना शनिवारी मध्यरात्रीच्या‎ सुमारास घडली. सुदैवाने या घटनेत‎ कोणालाही इजा झाली नाही.‎

या घटनेचे कारण अद्याप स्पष्ट‎ झालेले नाही. वसमत रोडवरील‎ शिवशक्ती बिल्डींगसमोर मातोश्री‎ वडापाव नावाचा स्टॉल आहे.‎ नेहमीप्रमाणे वडापाव व्यावसायिकाने‎रात्री स्टॉल बंद केला. मध्यरात्री ‎सव्वाबारा वाजेच्या सुमारास‎ स्टॉलला अचानक आग लागली.‎

या आगीत हातगाडीमधील एका‎सिलिंडरचा स्फोट झाला. त्यानंतर ‎अवघ्या दहा मिनिटातच आणखी ‎एका सिलिंडरचा स्फोट झाला. एका‎मागोमाग झालेल्या दोन स्फोटांनी ‎वसमतरोड परिसर हादरला.‎ अग्निशमन दलाने धाव घेत आगीवर ‎नियंत्रण मिळवले.‎