Donald Trump – पश्चिम आशियातील बिघडलेल्या युद्धजन्य परिस्थितीमुळे अमेरिकेचे राष्ट्राध्यक्ष डोनाल्ड ट्रम्प यांचा नियोजित चीन दौरा आता मे महिन्यात होणार आहे. ट्रम्प १४ आणि १५ मे रोजी चीनला भेट देणार असून तेथे ते राष्ट्राध्यक्ष शी जिनपिंग यांच्यासोबत शिखर परिषदेत सहभागी होतील, अशी अधिकृत घोषणा व्हाइट हाउसने केली आहे. राष्ट्राध्यक्ष ट्रम्प यांचा हा दौरा मूळतः मार्च महिन्याच्या अखेरीस होणार होता. मात्र, २८ फेब्रुवारी रोजी अमेरिका आणि इस्रायलने इराणवर केलेल्या संयुक्त हल्ल्यांनंतर आखाती प्रदेशात युद्धाची ठिणगी पडली. Donald Trump इराणचे सर्वोच्च नेते अयातुल्ला अली खामेनी यांचा या हल्ल्यात मृत्यू झाल्याने तणाव कमालीचा वाढला आहे. या युद्धस्थितीवर नियंत्रण मिळवण्यासाठी ट्रम्प यांनी आपला बीजिंग दौरा काही काळासाठी स्थगित केला होता. Donald Trump Xi Jinping व्हाइट हाउसच्या माध्यम सचिव कॅरोलिन लेव्हिट यांनी स्पष्ट केले की, सध्याच्या युद्धकाळात राष्ट्राध्यक्षांची देशात उपस्थिती अनिवार्य असल्याचे शी जिनपिंग यांनी मान्य केले आहे. प्रशासनाच्या अंदाजानुसार, हे युद्ध साधारण ४ ते ६ आठवड्यांत संपण्याची शक्यता आहे, त्यानंतरच ही भेट होईल. विशेष म्हणजे, या वर्षाच्या उत्तरार्धात शी जिनपिंग देखील वॉशिंग्टन डीसीला भेट देणार असून, ट्रम्प आणि प्रथम महिला मेलानिया त्यांचे यजमानपद भूषवतील. राजनैतिक हालचाली : Donald Trump इराणसोबतच्या या संघर्षामुळे हेर्मुझ सामुद्रधुनीतील जागतिक ऊर्जा पुरवठा साखळीवर मोठा परिणाम झाला आहे. ट्रम्प यांनी तेहरानवर अणुकार्यक्रमाबाबत नवीन करारासाठी दबाव वाढवला होता, ज्याचे रूपांतर युद्धात झाले. आता मे महिन्यातील चीन दौऱ्यात व्यापार, जागतिक सुरक्षा आणि ऊर्जा पुरवठा यावर दोन्ही जागतिक नेते महत्त्वाची चर्चा करण्याची शक्यता आहे. ट्रम्प यांनी यापूर्वी ऑक्टोबरमध्ये दक्षिण कोरियात शी जिनपिंग यांची भेट घेतली होती. आता मे महिन्यात होणाऱ्या या प्रदीर्घ-प्रतिक्षित भेटीकडे संपूर्ण जगाचे लक्ष लागले आहे.
