14 February: आळंदीत मातृ-पितृ पूजन दिवस उत्साहात
आळंदी – 14 फेब्रुवारी या दिवसाचे महत्व कोणालाही विचारले तर अनेकजण आज व्हॅलेंटाईन दिवस आहे, प्रेम दिवस आहे असे सांगतात. मात्र, या सर्वांसोबतच मातृ-पितृ पूजन दिवस हेही आजच्या दिवसाचे महत्व आहे. आज ज्याप्रमाणे प्रेमदिवस साजरा करतात त्याप्रमाणेच अनेकजण आपल्या आई-वडिलांचे पूजन करून त्यांचा आशिर्वाद घेत मातृ-पितृ पूजन दिवस साजरा करतात.
श्रीक्षेत्र आळंदी येथील प्रसिद्ध आणि ऐतिहासिक विश्रांतवड या ठिकाणी अनेकांनी आपल्या आई-वडिलांची पूजा करून आशिर्वाद घेत 14 फेब्रुवारी मातृ-पितृ दिवस साजरा केला.
‘आई-वडिल हे आपल्यावर निस्वार्थ प्रेम करतात. त्यांची बरोबरी कोणीही करू शकत नाही. व्हॅलेंटाईन डे अनेकजण साजरा करतात. त्याप्रमाणेच तरूण-तरूणींनी तसेच सर्वच वयोगटातील व्यक्तींनी आपल्या आई-वडिलांची पूजा करून त्यांचे आशिर्वाद घ्यायला हवे. आम्ही साजरा केला. तुम्हीही करा.’ असे मत प्रशांत घुंडरे यांनी व्यक्त केले.
