IAS Officers Transferred : उत्तर प्रदेशमध्ये योगी आदित्यनाथ सरकारने गुरुवारी रात्री उशिरा एक मोठा आदेश जारी करत प्रशासकीय पातळीवर मोठी उलथापालथ केली आहे. सरकारने सचिव आणि विशेष सचिवांसह तब्बल 20 आयएएस (IAS Officers Transferred) अधिकाऱ्यांच्या तडकाफडकी बदल्या केल्या आहेत.

यामध्ये आझमगढ, बलिया आणि इटावा या तीन महत्त्वाच्या जिल्ह्यांच्या मुख्य विकास अधिकाऱ्यांचाही समावेश आहे. यासोबतच, प्रांतीय नागरी सेवा (PCS) मधून आयएएस केडरमध्ये पदोन्नती मिळालेल्या काही अधिकाऱ्यांनाही (IAS Officers Transferred) नवीन नियुक्त्या देण्यात आल्या आहेत.

प्रमुख अधिकाऱ्यांच्या बदल्या आणि नवीन जबाबदाऱ्या

• सुधा वर्मा: महसूल विभागाच्या सचिवपदावरून आता त्यांची नियुक्ती कामगार आयुक्त म्हणून करण्यात आली आहे. मार्तंड शाही यांच्या निवृत्तीनंतर हे पद रिक्त होते.
• डॉ. सारिका मोहन: वैद्यकीय शिक्षण विभागाच्या महासंचालक आणि सचिव पदावरून त्यांची नोंदणी महानिरीक्षक म्हणून बदली करण्यात आली आहे.
• नेहा शर्मा: नोंदणी महानिरीक्षक पदावरून आता त्यांची वैद्यकीय शिक्षण विभागाच्या महासंचालक आणि सचिव या अत्यंत महत्त्वाच्या पदावर नियुक्ती करण्यात आली आहे.
• अरुण कुमार: अतिरिक्त महासंचालक (भूविज्ञान आणि खनिकर्म) या पदावरून त्यांची ‘मिशन’ मध्ये बदली करण्यात आली आहे.
• जे. रीभा: विशेष सचिव (भूविज्ञान आणि खनिकर्म) असलेल्या जे. रीभा यांच्याकडे त्यांच्या सध्याच्या जबाबदारीसोबतच ‘अतिरिक्त संचालक’ पदाचा अतिरिक्त कार्यभार सोपवण्यात आला आहे.
• दीपा रंजन: ‘मिशन संचालक (राज्य उपजीविका अभियान)’ या पदावरून आता त्यांची विशेष सचिव (संस्कृती विभाग) म्हणून बदली झाली आहे.
• संजय कुमार-१: सध्याचे विशेष सचिव (संस्कृती) आणि संचालक (धार्मिक कार्ये) असलेल्या संजय कुमार यांना विशेष सचिव पदाच्या जबाबदारीतून मुक्त करण्यात आले असून, त्यांच्याकडे आता संचालक (संस्कृती) या पदाचा अतिरिक्त कार्यभार सोपवला आहे.
• विशाल सिंह: ते विशेष सचिव (संस्कृती), संचालक (माहिती) आणि संचालक (संस्कृती) अशा अनेक जबाबदाऱ्या सांभाळत होते. आता त्यांना संस्कृती विभागाच्या विशेष सचिव आणि संचालक पदाच्या जबाबदाऱ्यांतून मुक्त करण्यात आले आहे.
• संदीप भागिया: यांची ‘मध्यांचल विद्युत वितरण निगम’चे व्यवस्थापकीय संचालक म्हणून नियुक्ती करण्यात आली आहे. यापूर्वी त्यांनी गौतम बुद्ध नगर आणि गाझियाबाद-II येथे अतिरिक्त आयुक्त म्हणून काम पाहिले असून, त्यांच्या मागील कार्यकाळातील काही निर्णयांमुळे ते चर्चेत राहिले होते.
• रेणू तिवारी: महिला व बाल विकास विभाग (पोषण) आणि राज्य महिला आयोगाच्या जबाबदाऱ्या सांभाळत असलेल्या रेणू तिवारी यांना बाल विकास व पोषण विभागातील विशेष सचिव पदावरून कार्यमुक्त करण्यात आले आहे.

जिल्हा पातळीवरील फेरबदल

आझमगढचे मुख्य विकास अधिकारी परिक्षेत्र खटाना यांची बदली आता गौतमबुद्ध नगरचे अप्पर आयुक्त म्हणून करण्यात आली आहे.त्यांच्या जागी लखनौ मंडळाचे अप्पर आयुक्त राकेश कुमार पटेल यांची आझमगढचे नवीन मुख्य विकास अधिकारी म्हणून नियुक्ती करण्यात आली आहे.यासोबतच बलिया आणि इटावाच्या मुख्य विकास अधिकाऱ्यांच्याही बदल्या करण्यात आल्या आहेत.

योगी सरकारच्या या तडकाफडकी निर्णयामुळे (IAS Officers Transferred) उत्तर प्रदेशच्या प्रशासकीय वर्तुळात मोठी खळबळ उडाली असून, आगामी काळातील कामांना गती देण्यासाठी हा निर्णय घेतल्याचे बोलले जात आहे.