Zeeshan Siddique : राष्ट्रवादी काँग्रेस पक्षाने बुधवारी पक्षाचे दिवंगत नेते बाबा सिद्दीकी यांचे पुत्र झीशान सिद्दीकी (Zeeshan Siddique) यांची मुंबई युनिटच्या अध्यक्षपदी नियुक्ती केली आहे. मुंबईत पक्ष संघटन वाढवण्यासाठी प्रयत्न करणार असल्याचे यावेळी सिद्दीकी म्हणाले.

सिद्दीकी (Zeeshan Siddique) यांनी पक्षाच्या प्रमुख आणि उपमुख्यमंत्री सुनेत्रा पवार आणि पक्ष नेते पार्थ पवार यांचे मोठी जबाबदारी सोपवल्याबद्दल आभार मानले. पुढचा प्रवास खूप मोठा आहे. मी सर्वसमावेशकतेच्या माध्यमातून मुंबईत पक्ष मजबूत करण्यावर लक्ष केंद्रित करेन. मी दिवंगत अजित पवार आणि माझ्या वडिलांची स्वप्ने पूर्ण करण्यासाठी काम करेन, असे त्यांनी सांगितले.

पार्थ पवार हे आपल्या मोठ्या भावासारखे आहेत, असे त्यांनी म्हटले. सुनेत्रा पवार यांनी उमेश पाटील यांचीही राष्ट्रवादी काँग्रेसचे राष्ट्रीय मुख्य प्रवक्ते म्हणून नियुक्तीची घोषणाही केली. दक्षिण मुंबईतील देवगिरी येथील सुनेत्रा पवार यांच्या शासकीय निवासस्थानी या दोन्ही नेत्यांना नियुक्तीपत्रे सुपूर्द करण्यात आली. यावेळी पक्षाचे इतर नेते आणि पदाधिकारीही उपस्थित होते.

दिवंगत अजित पवार यांचे आदर्श, दूरदृष्टी आणि लोकसेवेचा वारसा पुढे नेत, पक्ष संघटना मजबूत करण्यासाठी पाटील आणि सिद्दीक (Zeeshan Siddique) समर्पण आणि वचनबद्धतेने काम करतील, असा विश्वास सुनेत्रा पवार यांनी यावेळी व्यक्त केला.