Newasa News : महाराष्ट्राच्या सत्तेचे केंद्रस्थान आणि राजकारणाची दिशा ठरवणाऱ्या मुख्यमंत्र्यांच्या ‘वर्षा’ निवासस्थानी एक अत्यंत मंगलमय क्षण घडला, ज्याची चर्चा आता संपूर्ण राज्यासह (Newasa News) अहिल्यानगर जिल्ह्यात रंगू लागली आहे.

राज्याचे मुख्यमंत्री देवेंद्र फडणवीस यांच्या उपस्थितीत पार पडलेल्या गणरायाच्या आरतीत नेवासे तालुक्याचे भूमिपुत्र आणि उत्तर नगर जिल्हा भाजपाचे जिल्हाध्यक्ष नितीन दिनकर यांना थेट मुख्यमंत्र्यांसोबत बाप्पाची आरती करण्याचा बहुमान मिळाला. सत्तेच्या सर्वोच्च पटलावर मिळालेला हा मान केवळ एका व्यक्तीचा नसून, संपूर्ण नेवासे तालुक्याच्या (Newasa News) मातीचा गौरव ठरला आहे.

ही बातमी समजताच नेवासे तालुक्यात आनंदाची लाट उसळली असून कार्यकर्त्यांसह दिनकर यांच्या मित्रपरिवारात उत्साहाचे वातावरण पाहायला मिळत आहे. एका अत्यंत सामान्य कुटुंबातून आपल्या सामाजिक व राजकीय प्रवासाला सुरुवात करणाऱ्या नितीन दिनकर यांनी संघर्षाच्या बळावर जिल्हाध्यक्ष पदापर्यंत मजल मारली.

तळागाळातील प्रत्येक कार्यकर्त्याला सोबत घेत पक्षासाठी अहोरात्र घेतलेल्या मेहनतीचे फळ आज त्यांना ‘वर्षा’ बंगल्यावरील या सन्मानाच्या रूपाने मिळाले आहे, अशी भावना स्थानिक नागरिकांमधून व्यक्त होत आहे.

राज्याच्या राजधानीत नेवाशाचा (Newasa News) हा झंझावात पाहून मित्रमंडळी आणि हितचिंतकांकडून त्यांच्यावर अभिनंदनाचा वर्षाव केला जात आहे. “नेवाशाच्या मातीतील हिरा आज मुंबईत चमकला असून, दिनकर यांच्या या सन्मानामुळे तालुक्याची मान पुन्हा एकदा राज्याच्या नकाशावर अभिमानाने उंचावली आहे,” अशा सार्थ प्रतिक्रिया सर्व स्तरातून उमटत आहेत.