LSG vs PBKS Zaheer Khan Blamed pitch for lsg defeat : आयपीएल २०२५ च्या हंगामात लखनौ सुपर जायंट्सने आतापर्यंत झालेल्या तीनपैकी दोन सामने गमावले आहेत. त्याचा तिसरा सामना पंजाब किंग्सविरुद्ध झाला, ज्यामध्ये त्यांना दारुण पराभव पत्करावा लागला. यानंतर एलएसजी संघाचा मार्गदर्शक झहीर खानने एकाना स्टेडियमच्या खेळपट्टीवर टीका केली आहे. झहीर खान म्हणाला असे दिसते की पंजाबच्या क्युरेटरनेच ती खेळपट्टी तयार केली होते. असमान उसळी असलेल्या खेळपट्टीवर १७२ धावांच्या लक्ष्याचा पाठलाग करताना, प्रभसिमरन सिंगच्या ३४ चेंडूत ६९ धावांच्या खेळीमुळे पंजाबने आठ विकेट्सनी दणदणीत विजय मिळवला.

झहीर खानने पराभवासाठी खेळपट्टीला धरले जबाबदार –

सामन्यानंतर झहीर खान म्हणाला, “मी थोडा निराश झालो आहे. कारण तो घरचा सामना होता आणि आयपीएलमध्ये तुम्ही पाहिले आहे की संघांना घरच्या मैदानावर खेळण्याचा फायदा मिळतो.’ या अर्थाने, मला वाटतं की क्युरेटरला तो घरचा सामना होता असं वाटलं नव्हतं. जणू काही पंजाबच्या क्युरेटरने इथे येऊन त्यांच्यासाठी अनुकूल खेळपट्टी बनवलीय से वाटत होते. यामुळे घरच्या चाहत्यांना त्यांच्या संघाचा विजय पाहण्याची संधी मिळाली नाही.”

भविष्यातील कोणत्याही सामन्यात असे होणार नाही –

लखनौ संघाचा मार्गदर्शक पुढे म्हणाला, “यावर चर्चा करावी लागेल. माझ्यासाठी हा एक नवीन संघ आहे, पण आशा आहे की भविष्यातील कोणत्याही सामन्यात असे होणार नाही. कारण तुम्ही तुमच्या चाहत्यांनाही निराश करत आहात. ते त्यांचा संघ आपल्या घरच्या मैदानावर जिंकेल या आशेने येथे आले होते. हा हंगामातील तिसरा सामना आहे आणि आम्ही अनेकदा या हंगामात संघ कसा आहे याबद्दल बोललो आहोत. आम्ही निकालांवर नाही तर प्रक्रियेवर लक्ष केंद्रित करत आहोत. आपल्याला काही पैलूंवर काम करावे लागेल.”

हेही वाचा- David Warner : ऑस्ट्रेलियाच्या ‘या’ स्फोटक फलंदाजांची दाक्षिणात्य चित्रपटात एन्ट्री; अभिनेत्री श्रीलीलाबरोबर केली स्क्रीन शेअर

संघाने सोडलीय छाप –

झहीर खानने पुढे सांगितले की, काही खेळाडूंच्या दुखापतींबद्दल त्याला काळजी नाही आणि चांगली गोष्ट म्हणजे पराभव झाला असला तरी संघाने प्रभाव पाडला आहे. तो म्हणाला, “काही खेळाडू जखमी आहेत पण आमच्या संघाने या हंगामात सर्वाधिक विकेट्स घेतल्या आहेत. पहिल्या दोन सामन्यात आम्ही १८ विकेट्स घेतल्या होत्या. त्यामुळे आमच्या संघाने आपली छाप सोडली आहे. तुम्हाला संघात वेगळे विचार, आक्रमक आत्मा, विजयाची भूख पहायची आहे आणि तेच आम्ही चाहत्यांना देऊ इच्छितो.”