Yugendra Pawar ।  ज्येष्ठ नेते शरद पवार यांचे नातू व उपमुख्यमंत्री अजित पवार यांचे पुतणे युगेंद्र पवार यांनी आज राष्ट्रवादी काँग्रेस पार्टी शरदचंद्र पवार गटाच्या पक्ष कार्याला भेट दिली. राष्ट्रवादी काँग्रेस पक्षात फूट पडल्यानंतर अनेक घडामोडी आपण बघत आहोत.

त्यातच नुकतेच उपमुख्यमंत्री अजित पवार यांनी कुटुंबात मला एकटे पाडले जात असल्याचे जाहीर कार्यक्रमात सांगितले. त्याचाच प्रत्येक म्हणून आज युगेंद्र पवार यांनी शरद पवार पक्षाच्या कार्यालयाला भेट दिल्याने त्याचा प्रत्येय येत आहे. आगामी लोकसभा निवडणुकीत ज्येष्ठ नेते शरद पवार यांच्या सूचनेनुसार काम करणार असल्याचे पवार यांनी सांगितले.

आगामी लोकसभा निवडणुकीमध्ये खासदार सुप्रिया सुळे विरुद्ध उपमुख्यमंत्री अजित पवार यांच्या पत्नी सुनेत्रा पवार यांच्यात लढत होण्याची चर्चा आहे. यावर बोलताना पवार म्हणाले की, अद्याप उमेदवारी निश्चित झाली नाही. उमेदवारी निश्चित झाल्यावर यावर सविस्तर बोलता येईल.

ज्येष्ठ नेते शरद पवार यांनी युगेंद्र पवार यांच्या राजकीय प्रवेशाचे स्वागत केले आहे. यावर बोलताना ते म्हणाले की, ज्येष्ठ नेत्यांनी याबद्दल आनंद व्यक्त केल्याने मलाही याचा आनंद आहे. आणि माझ्या भूमिकेला माझे आई-वडीलही मला पाठिंबा देतील असा विश्वासही त्यांनी यावेळी व्यक्त केला.

आगामी लोकसभा निवडणुकीच्या पार्श्वभूमीवर अजित पवारांचे पुत्र जय पवार, पार्थ पवार हे सुनेत्रा पवार यांच्या प्रचारार्थ तर सुप्रिया सुळे यांच्या प्रचारार्थ आपण मैदानात उतरणार आहात का.. या प्रश्नावर बोलताना ते म्हणाले की, आम्ही सर्व भाऊ लोकसभेच्या प्रचारासाठी मैदानात उतरत आहोत तर ही चांगली गोष्ट आहे..

बारामतीच्या विद्या प्रतिष्ठानचे खजिनदार, बारामतीच्या कुस्तीगीर संघाचे अध्यक्ष, शरयू उद्योग समूहाचे मुख्य कार्यकारी अधिकारी असलेले युगेंद्र पवार हे जलसंधारण, ओढा खोलीकरण, पर्यावरण समृद्ध राहण्यासाठी दरवर्षी पावसाळ्यात सीडबॉल निर्मितीच्या उपक्रमात योगदान देतात. अनेक अल्पभूधारक शेतकऱ्यांना विहिरी खोदून दिल्या आहेत युगेंद्र पवार हे राजकारणात सक्रिय नव्हते, मात्र जेव्हा राष्ट्रवादीमध्ये फूट पडली, तेव्हा बारामती मध्ये शरद पवार यांच्या गटाला कार्यकर्ते आहेत की नाही असा सवाल उपस्थित झाला.

त्याचवेळी पहिल्यांदा त्यांनी बारामती तालुका कुस्तीगीर संघाच्या वतीने कुस्त्यांचे मैदान आयोजित करून शरद पवार यांना निमंत्रित केले होते. त्यांच्या या कृतीची राज्यभर चर्चा झाली होती. त्यानंतर आता पुन्हा एकदा युगेंद्र पवार हे थेट आपले चुलते अजित पवार यांना विरोध करत राष्ट्रवादी काँग्रेस शरदचंद्र पवार पक्षाच्या कार्यालयात कार्यकर्त्यांना भेटून त्यांना पाठबळ देणार आहेत.

हेही वाचा 

Yugendra Pawar । सुप्रिया सुळेंच्या प्रचाराबद्दल नेमकं काय म्हणाले युगेंद्र पवार ? 

Yugendra Pawar । सख्ख्या पुतण्याने अजित पवारांची साथ सोडली, शरद पवार म्हणाले…