Santosh Pandit : पुण्यातील कोथरूड परिसरात विकासकामांवरून मंत्र्याना प्रश्न विचारणारे प्रसिद्ध युट्युबर संतोष पंडित यांना अटक करण्यात आली आहे. युट्यूबवरून आक्षेपार्ह आणि अश्लील शेरेबाजी केल्याचा आरोप त्यांच्यावर असून कोथरुड पोलिसांनी मध्यरात्री एक वाजता त्यांना राहत्या घरातून अटक केली आहे.

मिळालेल्या माहितीनुसार, मंत्री चंद्रकांत पाटील आणि मिताली साळवेकर यांच्याबाबत सोशल मीडियावर आक्षेपार्ह, बदनामीकारक व्हिडिओ प्रसारित केल्याचा संतोष पंडित यांच्यावर आरोप आहे. पोलिसांना दिलेल्या तक्रारीनंतर त्यांना अटक करण्यात आली आहे.

संतोष पंडित हे सातत्याने पुणे महानगरपालिकेच्या विकासकामांबाबत, त्यामधील असणाऱ्या त्रुटींबाबतचे व्हिडीओ सोशल मीडियावर पोस्ट करत असतात. काही दिवसांपूर्वी पंडित यांनी राज्याचे उच्च व तंत्रशिक्षण मंत्री चंद्रकांत पाटील यांच्याविरोधात सोशल मीडियावर आक्षेपार्ह आणि शिवराळ मजकूर असलेली व्हिडिओ क्लिप पोस्ट केली होती.

तसेच मिताली साळवेकर यांच्याविरोधात एका आक्षेपार्ह व्हिडिओ तयार केला. या व्हिडिओच्या माध्यमातून बदनामी केल्याचा आरोप संतोष पंडित यांच्यावर करण्यात आला आहे. त्यानंतर त्यांच्याविरोधात पोलीस स्टेशनमध्ये तक्रार दाखल करण्यात आली. तक्रारीनंतर संतोष पंडित यांच्याविरोधात गुन्हा दाखल करण्यात आला आहे.

याआधीही दोन दिवसांपूर्वी चंद्रकांत पाटील यांच्याबाबत सोशल मीडियावर अवमानकारक मजकूर आणि अश्लील भाषेतील व्हिडीओ प्रसारित केल्याप्रकरणी डेक्कन पोलीस ठाण्यात तक्रार दाखल झाली होती. या तक्रारीवरुन दोन व्यक्तींविरोधात गुन्हा दाखल करण्यात आला होता. यानंतर आता संतोष पंडित यांच्यावर मध्यरात्री अटकेची कारवाई करण्यात आल्याने पुणे शहरात खळबळ उडाली आहे.

पुण्यातील राजकीय वातावरण तापण्याची शक्यता

Preity Zinta : प्रीती झिंटाचा अॅक्शन अवतार! अनुभव शेअर करत म्हणाली “मला हे कबूल करावंच लागेल की…”