Yogi Adityanath on Mahakumbh stampede।  उत्तर प्रदेशमधील प्रयागराज येथे सुरू असलेल्या महाकुंभमेळ्यात चेंगराचेंगरी झाल्याची घटना समोर आली आहे. या चेंगराचेंगरीत जवळपास 17 नागरिकांचा मृत्यू झाला आहे. तर अनेकजण जखमी झाले आहेत. मृतांचा आकडा वाढण्याची शक्यता आहे. दरम्यान, या चेंगराचेंगरीनंतर मुख्यमंत्री योगी आदित्यनाथ यांचे पहिली प्रतिक्रिया समोर आली आहे. यावेळी त्यांनी भाविकांना सुरक्षित ठिकाणी स्नान करण्याचे आवाहन केले आहे.

अफवांवर विश्वास ठेऊ नये  Yogi Adityanath on Mahakumbh stampede। 

उत्तर प्रदेशातील प्रयागराज महाकुंभात झालेल्या चेंगराचेंगरीनंतर मुख्यमंत्री योगी आदित्यनाथ यांनी पहिली प्रतिक्रिया दिली आहे. त्यांनी आपल्या प्रतिक्रियेत,”लोकांना अफवांकडे लक्ष देऊ नये असे आवाहन केले आहे. मुख्यमंत्र्यांनी म्हटले, लोकांनी गंगा मातेच्या जवळच्या घाटावर स्नान करावे. संगम नाक्याकडे जाण्याचा प्रयत्न करू नका” अशा सूचना देखील यावेळी त्यांनी दिल्या आहेत .

प्रशासनाच्या सूचनांचे पालन करावे  Yogi Adityanath on Mahakumbh stampede। 

मुख्यमंत्र्यांनी सांगितले की, आंघोळीसाठी अनेक घाट बांधले गेले आहेत जिथे आंघोळ करता येते. मुख्यमंत्र्यांनी सांगितले की, लोकांनी प्रशासनाच्या सूचनांचे पालन करावे आणि व्यवस्था करण्यात सहकार्य करावे. तसेच कोणत्याही अफवांकडे लक्ष देऊ नका.” असेही त्यांनी म्हटले.

दुसरीकडे, फेअर ऑफिसर विजय किरण आनंद यांनी मुख्यमंत्री योगी यांना संपूर्ण प्रकरणाची माहिती दिली आहे. चेंगराचेंगरीची कारणे जत्रा प्रशासनाने मुख्यमंत्र्यांना कळवली. डीजीपी प्रशांत कुमार, गृह सचिव संजय प्रसाद हे प्रयागराज प्रशासनाच्या सतत संपर्कात आहेत.
दरम्यान , मंगळवारी रात्री १.३० वाजता प्रयागराज येथील महाकुंभात झालेल्या चेंगराचेंगरीनंतर अमृत स्नान रद्द करण्यात आले आहे. मुख्यमंत्री योगी आदित्यनाथ यांनी याबाबत आखाड्यांशी चर्चा केली तेव्हा त्यांनी अमृत स्नान रद्द करण्याची घोषणा केली.

हेही वाचा
महाकुंभ मेळ्यात चेंगराचेंगरी, 17 भाविकांचा मृत्यू झाल्याची शक्यता, शाही स्नान थांबवण्याचा निर्णय