Yogendra Yadav On Pahalgam Attack । स्वराज इंडियाचे प्रमुख योगेंद्र यादव यांनी पहलगाम दहशतवादी हल्ल्यावर मोठे विधान केले आहे.  त्यांनी या हल्ल्यावर बोलताना, पहलगाम हत्याकांडाचा केवळ निषेध करणे पुरेसे नाही. दहशतवाद्यांचे कट आपण समजून घेणे आणि ते उधळून लावणे महत्वाचे आहे. दहशतवादी आपल्याला जे करायला सांगतात ते चुकूनही बोलू नका किंवा करू नका.” असा सल्ला यावेळी त्यांनी दिला आहे. तसेच  त्यांनी, “राष्ट्रीय शोकाच्या या घटनेत, पहलगामच्या दहशतवाद्यांना आपल्याकडून हव्या असलेल्या चार प्रतिक्रिया टाळणे हे प्रत्येक भारतीयाचे कर्तव्य असले पाहिजे.” असेही त्यांनी यावेळी सांगितले.

२३ एप्रिल रोजी योगेंद्र यादव यांनी सोशल मीडियावर एक व्हिडिओ प्रसिद्ध केला. यामध्ये त्यांनी प्रथम सांगितले की ही राजकीय आरोप-प्रत्यारोपांची आणि प्रति-आरोपांची वेळ नाही. ही वेळ कोणालाही जबाबदार धरण्याची किंवा राजीनामा मागण्याची नाही. संपूर्ण देशाने एकत्र उभे राहण्याची हीच वेळ आहे.” असे म्हणत सरकारला यावर कडक कारवाई करण्याची मागणी केली. त्यांनी बोलताना “दुसरी गोष्ट म्हणजे सरकारवर दबाव आणू नका, सरकारला जागा द्या जेणेकरून सैन्य, राजनयिक आणि सरकार एकत्रितपणे पाकिस्तान पुरस्कृत दहशतवादाला त्यांच्या पद्धतीने आणि त्यांच्या वेळेनुसार उत्तर देऊ शकतील.” असे म्हणत सरकारच्या कारवाईला पाठिंबा दर्शवला.

पहलगाम हत्याकांड की सिर्फ़ निंदा काफ़ी नहीं। ज़रूरी है कि हम आतंकवादियों की साज़िश को समझें और उसे विफल करें। भूल कर भी ऐसा कुछ ना कहें या करें जो आतंकवादी हमसे करवाना चाहते हैं।

मेरे चार सुझाव: pic.twitter.com/26N5bvaKfn

— Yogendra Yadav (@_YogendraYadav) April 23, 2025

हिंदू- मुस्लिमांमध्ये संघर्ष पेटवण्याच्या षडयंत्राचा विरोध करावा लागेल  Yogendra Yadav On Pahalgam Attack ।

हिंदू आणि मुस्लिमांमध्ये हिंसाचार भडकवण्याच्या कटाचा विरोध करायला हवा, असे योगेंद्र यादव यांनी शेवटी सांगितले. धर्माबद्दल विचारल्यानंतर त्याने खून केला जेणेकरून इतर लोकही त्याचे अनुकरण करतील. जे आज पाकिस्तानच्या दहशतवाद्यांचा भारतातील मुस्लिमांकडून बदला घेण्याबद्दल बोलत आहेत, ते त्यांच्या हाताशी खेळत आहेत. पहलगाम हे भारताला कमकुवत करण्याचे षड्यंत्र आहे. संपूर्ण देशाने एकत्र येऊन निषेध केला पाहिजे, हेच योग्य उत्तर आहे.

हा हल्ला काश्मीर आणि काश्मिरींवर – योगेंद्र यादव Yogendra Yadav On Pahalgam Attack ।

तिसऱ्या प्रतिसादावर बोलताना ते म्हणाले की, काश्मीर आणि उर्वरित भारतामधील दरी वाढवण्याऐवजी ती कमी करण्याची वेळ आली आहे. हा हल्ला फक्त पर्यटकांवरच होत नाही. हा काश्मीर आणि काश्मिरी लोकांवर हल्ला आहे. हा त्यांच्या उपजीविकेवर हल्ला आहे. ते धैर्याने लढत आहेत.