लोणीकंद  : आंतरराष्ट्रीय योग दिनानिमित्त होली स्पिरिट कॉन्व्हेंट स्कूल अँड ज्युनिअर कॉलेज लोणीकंद येथे उत्साहपूर्ण व आरोग्यदायी वातावरणात योग दिन साजरा करण्यात आला. विद्यार्थ्यांमध्ये योगाचे महत्त्व रुजविणे तसेच निरोगी जीवनशैलीची जाणीव निर्माण करणे हा कार्यक्रमाचा मुख्य उद्देश होता.

कार्यक्रमाची सुरुवात योगाच्या महत्त्वाविषयी मार्गदर्शनाने करण्यात आली. योगामुळे शारीरिक व मानसिक आरोग्य सुदृढ राहण्यास मदत होते तसेच दैनंदिन जीवनात सकारात्मकता वाढते, याबाबत विद्यार्थ्यांना माहिती देण्यात आली.

यानंतर सामूहिक योगाभ्यास, ध्यानधारणा तसेच विविध योगासनांचे प्रात्यक्षिक सादर करण्यात आले. प्रशिक्षक क्रीडा शिक्षक प्रताप फडतरे सर यांच्या मार्गदर्शनाखाली विद्यार्थ्यांनी शिस्तबद्ध पद्धतीने विविध योगासने करून सहभाग नोंदवला. विद्यार्थ्यांनी उत्स्फूर्त प्रतिसाद देत योगाभ्यासात सक्रिय सहभाग घेतला.

योग हा केवळ व्यायाम नसून निरोगी व संतुलित जीवनशैलीचा पाया असल्याचा संदेश या कार्यक्रमातून देण्यात आला. विद्यार्थ्यांनी भविष्यातही नियमित योगाभ्यास करण्याचा संकल्प व्यक्त केला.

यावेळी संपूर्ण कार्यक्रम यशस्वीरित्या पार पडला असून मुख्याध्यापिका सिस्टर लिली, नेहा कुमारी, शिवानी प्रजापती यांसह शिक्षक व शिक्षकेतर कर्मचाऱ्यांनीही विद्यार्थ्यांना प्रोत्साहन देत कार्यक्रमात सहभाग घेतला. कार्यक्रमाच्या शेवटी सर्वांनी आरोग्यदायी जीवनशैलीचा स्वीकार करण्याचा संदेश दिला.

Smart Phone Tips: महिनोनमहिने फोन रीस्टार्ट करत नाही? ही सवय ठरू शकते धोकादायक; जाणून घ्या किती दिवसांनी फोन बंद करणं गरजेचं आहे