Yami Gautam: दिग्दर्शक आदित्य धर यांचा ब्लॉकबस्टर चित्रपट ‘धुरंधर’ बॉक्स ऑफिसनंतर ओटीटीवरही प्रेक्षकांच्या पसंतीस उतरला. आता या चित्रपटाच्या पुढील भागाची, म्हणजेच ‘धुरंधर 2’ ची उत्सुकता शिगेला पोहोचली आहे. नुकताच या चित्रपटाचा टीझर प्रदर्शित झाला असून, त्यातच एक मोठी बातमी समोर आली आहे. यामी गौतम या चित्रपटात रणवीर सिंगसोबत दिसणार आहे. यामी गौतमचा खास कॅमिओ मिळालेल्या माहितीनुसार, ‘धुरंधर 2’मध्ये यामी गौतम एका खास आणि महत्त्वाच्या भूमिकेत झळकणार आहे. ही भूमिका जरी छोटी असली, तरी ती कथेचा टर्निंग पॉइंट ठरणार असल्याचं सांगितलं जात आहे. रिपोर्टनुसार, यामीचा हा कॅमिओ प्रेक्षकांना चकित करणारा असेल. शूटिंग पूर्ण यामी गौतम यांनी या चित्रपटासाठी आपल्या भूमिकेचं पाच दिवसांचं शूटिंग पूर्ण केलं आहे. रिपोर्टनुसार, हा फक्त साधा कॅमिओ नसून ‘धुरंधर 2’च्या कथानकाचा एक महत्त्वाचा भाग आहे. त्यामुळे यामीची उपस्थिती चित्रपटाला वेगळं वळण देणार आहे. स्क्रिप्टने जिंकले यामीचं मन यामी यांनी याआधी एका मुलाखतीत ‘धुरंधर 2’च्या स्क्रिप्टचं भरभरून कौतुक केलं होतं. त्यांनी सांगितलं होतं की, ही स्क्रिप्ट वाचताना त्यांना क्षणभर वाटलं होतं, “काश मी मुलगा असते”, कारण कथानक इतकं प्रभावी आहे. त्यांनी रणवीर सिंगच्या कास्टिंगबद्दलही आनंद व्यक्त केला होता. Yami Gautam वैयक्तिक आणि व्यावसायिक नात्यांबद्दल स्पष्ट भूमिका यामी यांनी हेही स्पष्ट केलं होतं की, आदित्य धर वैयक्तिक आणि व्यावसायिक नात्यांमध्ये स्पष्ट अंतर ठेवतात. त्यांच्या मते, एखाद्या भूमिकेसाठी दुसरी अभिनेत्री अधिक योग्य असेल, तर त्यांना त्याचा कोणताही आक्षेप नाही. पहिल्या ‘धुरंधर’ चित्रपटात आदित्य धर यांनी यामी गौतम यांचे क्रेडिट्समध्ये ‘स्पेशल थँक्स’ म्हणून नाव घेतलं होतं. कधी प्रदर्शित होणार ‘धुरंधर 2’? जिओ स्टुडिओज आणि B62 स्टुडिओज यांच्या बॅनरखाली तयार होणारा हा मेगाबजेट चित्रपट १९ मार्च २०२६ रोजी प्रदर्शित होणार आहे. रणवीर सिंगचा दमदार अॅक्शन अवतार आणि यामी गौतमची खास एन्ट्री यामुळे प्रेक्षकांची अपेक्षा अधिकच वाढली आहे. यामी गौतमचा दमदार अभिनय प्रवास ‘काबिल’मध्ये त्यांनी दृष्टिहीन महिलेची भूमिका, ‘उरी: द सर्जिकल स्ट्राइक’मध्ये खुफिया अधिकाऱ्याची भूमिका, तसेच ‘अ थर्सडे’, ‘दासवी’, ‘आर्टिकल 370’ यांसारख्या चित्रपटांतून त्यांनी आपल्या अभिनयाची छाप सोडली आहे.
