Xi Jinping : मध्य पूर्वेतील वाढत्या तणावाच्या पार्श्वभूमीवर चीनचे राष्ट्राध्यक्ष शी जिनपिंग (Xi Jinping) यांनी प्रादेशिक शांततेसाठी चार-कलमी शांतता प्रस्ताव सादर केला आहे. चीनच्या राष्ट्राध्यक्षांनी मंगळवारी अबू धाबीचे युवराज शेख खालिद बिन मोहम्मद बिन झायेद अल नाहयान यांच्यासोबत झालेल्या भेटीदरम्यान हा प्रस्ताव मांडला.अमेरिका आणि इराण यांच्यातील पाकिस्तानमध्ये झालेली चर्चा अयशस्वी झाली असताना आणि शस्त्रसंधी संपण्यापूर्वी संवादाच्या नवीन शक्यता शोधल्या जात असताना चीनचा हा प्रस्ताव आला आहे. मध्य पूर्व आणि आखाती देशांमध्ये शांततापूर्ण सहअस्तित्वाचे तत्त्व, प्रादेशिक देशांशी संबंध सुधारण्याचे आणि एक शाश्वत सुरक्षा चौकट स्थापित करण्याचे आवाहन, राष्ट्रीय सार्वभौमत्वाचा आदर करण्यावर आणि त्याचे कधीही उल्लंघन न करण्यावर भर, संयुक्त राष्ट्रांना केंद्रस्थानी ठेवून आंतरराष्ट्रीय प्रणाली मजबूत करणे, विकास आणि सुरक्षेवर भर हे शी जिनपिंग यांच्या चार-कलमी योजनेतील मुद्दे आहेत. Xi Jinping अमेरिकेने इराणच्या बंदरांवर घातलेली नाकेबंदी धोकादायक असल्याचे चीनने म्हटले आहे. अमेरिकेचे अध्यक्ष डोनाल्ड ट्रम्प यांनी इराणच्या बंदरांमध्ये येणारी-जाणारी जहाजे बुडवण्याची धमकी दिली आहे. इराणने होर्मुझची सामुद्रधुनी बंद केली असून, केवळ चीनसारख्या मित्र देशांच्या जहाजांनाच त्यातून जाण्याची परवानगी दिली आहे. दरम्यान, चीनच्या (Xi Jinping) परराष्ट्र मंत्रालयाचे प्रवक्ते गुओ जियाकुन यांनी ट्रम्प यांची ५० टक्के शुल्कवाढीची धमकी पूर्णपणे निराधार असल्याचे म्हटले आहे आणि अमेरिकेने अधिक शुल्क आकारल्यास चीन जोरदार प्रत्युत्तर देईल, असा इशारा दिला आहे. ट्रम्प पुढील महिन्यात बीजिंगला भेट देणार आहेत. जिनपिंग यांचे प्रथमच भाष्य जगाला पुन्हा जंगलच्या कायद्यात (अराजकतेत) जाण्यापासून रोखण्यासाठी आंतरराष्ट्रीय कायद्याच्या नियमांचे अधिकार कायम राखले पाहिजेत असे जिनपिंग यांनी म्हटले असून विकास आणि सुरक्षा यांच्यात संतुलन असले पाहिजे. पश्चिम आशिया आणि आखाती प्रदेशातील देशांच्या विकासाला चालना देण्यासाठी सर्व पक्षांनी अनुकूल वातावरण निर्माण करण्यासाठी काम केले पाहिजे असे त्यांनी नमूद केले. अमेरिका, इस्रायल आणि इराण यांच्यात सुरू असलेल्या संघर्षावर शी जिनपिंग यांनी भाष्य करण्याची ही पहिलीच वेळ आहे. या संघर्षाचा परिणाम संयुक्त अरब अमिरातीसह अनेक आखाती देशांवरही झाला आहे. चीनचे (Xi Jinping) इराणसोबत घनिष्ठ सामरिक संबंध आहेत. चीनने अमेरिकेच्या हल्ल्यांवर टीका केली असून शत्रुत्व संपवण्याचे आवाहन केले आहे. चीनने होर्मुझच्या सामुद्रधुनीतील अखंड वाहतुकीचे आवाहन केले आहे. होर्मुझची सामुद्रधुनी ही वस्तू आणि ऊर्जेसाठी एक महत्त्वपूर्ण आंतरराष्ट्रीय व्यापारी मार्ग आहे. चीनच्या परराष्ट्र मंत्रालयाचे प्रवक्ते गुओ जियाकुन यांनी एका पत्रकार परिषदेत सांगितले की, प्रदेश सुरक्षित आणि स्थिर ठेवणे आणि निर्बाध हालचाल सुनिश्चित करणे हे आंतरराष्ट्रीय समुदायाच्या सामूहिक हिताचे आहे.
