अभिनेता वरुण धवन हा बॉलीवूडच्या तरुण पिढीतील सर्वात प्रतिभावान अभिनेत्यांपैकी एक आहे. वरुणने आपल्या कारकिर्दीत आतापर्यंत अनेक उत्तमोत्तम चित्रपट दिले आहे. आपल्या अभिनयाचा पराक्रमही सिद्ध केला आहे. वरुण केवळ त्याच्या व्यावसायिक जीवनातच यशाचा आनंद घेत नाही तर तो त्याच्या वैयक्तिक आयुष्यातही खूप आनंदी आहे. अलीकडेच अभिनेत्याने पत्नी नताशा दलालसोबत एका मुलीचे स्वागत केले. तो सध्या वडील होण्याच्या त्याच्या टप्प्याचा आनंद घेत आहे.मात्र, अद्याप वरुणने आपल्या मुलीचा चेहरा किंवा नाव उघड केलेले नाही. पण वरुणची भाची अंजिनी धवन हिने अखेर वरूनची लेक नेमकी कुणासारखी दिसते हे उघड केले आहे.

एका मुलाखतीत अंजिनी धवनने वरुण धवनच्या लेक वडिलांसारखी दिसत असल्याचे सांगितले आहे. अंजिनी धवनने पुढे सांगितले की,’मला वाटते की तिला फक्त तिची स्वतःची व्यक्ती असणे आवश्यक आहे, ती खूप लहान आहे. ती एक महिन्याची आहे. मी त्याला काय सांगू? ती एक बाहुली आहे आणि ती अगदी माझ्या भावासारखी दिसते. मी एवढेच म्हणेन.’

वरुण याच वर्षी ४ जून रोजी वडील झाला.16 जून 2024 रोजी वरुणने त्याच्या आयजी हँडलवर त्याच्या छोट्या राजकुमारीचा पहिला फोटो शेअर केला होता. फोटोमध्ये अभिनेता आपल्या प्रिय व्यक्तीचे बोट धरलेला दिसत होता.  फोटोत  वडील-मुलगी यांच्यात एक सुंदर बंध दिसत होता.

वर्क फ्रंटबद्दल बोलायचे झाले तर, वरुण धवन सिटाडेलमध्ये सामंथा रुथ प्रभूसोबत दिसणार आहे. राज आणि डीके दिग्दर्शित, सिटाडेल हे त्याच नावाच्या आंतरराष्ट्रीय मालिकेचे भारतीय रूपांतर आहे, ज्याची निर्मिती दिग्दर्शक जोडी, रुसो ब्रदर्स यांनी केली आहे. याशिवाय वरुण धवन सनी देओलच्या ब्लॉकबस्टर बॉर्डरच्या सिक्वेलमध्येही दिसणार आहे. याशिवाय अभिनेत्याकडे अनेक प्रोजेक्ट्स आहेत.