WPL 2024 : प्रतिक्षा संपली! महिला प्रीमियर लीगचे संपूर्ण वेळापत्रक जाहीर; ‘या’ तारखेपासून रंगणार थरार…
BCCI announces schedule for Women’s Premier League 2024 : – बीसीसीआयने महिलांच्या प्रीमिअर लीगचे (डब्ल्युपीएल) वेळापत्रक मंगळवारी जाहीर केले. यंदाच्या मोसमाची सुरुवात मुंबई इंडियन्स व दिल्ली कॅपिटल्स यांच्यात येत्या २३ फेब्रुवारीला बंगळुरुला खेळवला जाणार आहे.
२३ फेब्रुवारी रोजी स्पर्धेचा पहिला सामना होणार असून १७ मार्चला दिल्लीत अंतिम सामना खेळवला जाईल. यावर्षीच्या स्पर्धेत एकूण २२ सामने होणार आहेत. हे सर्व सामने भारतीय प्रमाण वेळेनूसार संध्याकाळी ७.३० वाजता सुरू होणार आहेत. गेल्या मोसमातील आराखड्याप्रमाणे यंदाही ही स्पर्धा खेळवली जाणार आहे.
साखळी स्पर्धेतील अव्वल तीन संघ प्लेऑफमध्ये प्रवेश मिळवतील. पहिल्या क्रमांकाचा संघ थेट अंतिम पेरीला पात्र ठरेल तर उर्वरीत दोन संघात एलिमिनेटर लढत खेळवली जाईल. हा सामना १५ मार्चला होणार असून २३ फेब्रुवारी ते 4 मार्चपर्यंतचे सामने बंगळुरूमध्ये होणार आहेत, तर त्यानंतरचे सर्व सामने दिल्लीत होतील.
डब्ल्युपीएल संपूर्ण वेळापत्रक
– २३ फेब्रुवारी – मुंबई इंडियन्स विरुद्ध दिल्ली कॅपिटल्स
– २४ फेब्रुवारी – रॉयल चॅलेंजर्स बंगळुरू विरुद्ध यूपी वॉरियर्स
– २५ फेब्रुवारी – गुजरात जायंट्स विरुद्ध मुंबई इंडियन्स
– २६ फेब्रुवारी – यूपी वॉरियर्स विरुद्ध दिल्ली कॅपिटल्स
– २७ फेब्रुवारी – रॉयल चॅलेंजर्स बंगळुरू विरुद्ध गुजरात जायंट्स
– २८ फेब्रुवारी – मुंबई इंडियन्स विरुद्ध यूपी वॉरियर्स
– २९ फेब्रुवारी – रॉयल चॅलेंजर्स बंगळुरू विरुद्ध दिल्ली कॅपिटल्स
– १ मार्च – यूपी वॉरियर्स विरुद्ध गुजरात जायंट्स
– २ मार्च – रॉयल चॅलेंजर्स बंगळुरू विरुद्ध मुंबई इंडियन्स
– ३ मार्च – गुजरात जायंट्स विरुद्ध दिल्ली कॅपिटल्स
– ४ मार्च – यूपी वॉरियर्स विरुद्ध रॉयल चॅलेंजर्स बंगळुरू
– ५ मार्च – दिल्ली कॅपिटल्स विरुद्ध मुंबई इंडियन्स
– ६ मार्च – गुजरात जायंट्स विरुद्ध रॉयल चॅलेंजर्स बंगळुरू
– ७ मार्च – यूपी वॉरियर्स विरुद्ध मुंबई इंडियन्स
– ८ मार्च – दिल्ली कॅपिटल्स विरुद्ध यूपी वॉरियर्स
– ९ मार्च – मुंबई इंडियन्स विरुद्ध गुजरात जायंट्स
– १० मार्च – दिल्ली कॅपिटल्स विरुद्ध रॉयल चॅलेंजर्स बंगळुरू
– ११ मार्च – गुजरात जायंट्स विरुद्ध यूपी वॉरियर्स
-१२ मार्च – मुंबई इंडियन्स विरुद्ध रॉयल चॅलेंजर्स बंगळुरू
– १३ मार्च – दिल्ली कॅपिटल्स विरुद्ध गुजरात जायंट्स
– १५ मार्च – एलिमिनेटर सामना
– १७ मार्च – अंतिम सामना
