WPI Inflation Rate: सणासुदीच्या काळात सर्वसामान्यांना महागाईचा आणखी एक झटका बसला आहे. खाद्यपदार्थांच्या, विशेषतः भाज्यांच्या किमतीत वाढ झाल्यामुळे सप्टेंबरमध्ये घाऊक महागाई (WPI) 1.84 टक्क्यांवर पोहोचली आहे. सोमवारी जाहीर झालेल्या सरकारी आकडेवारीनुसार, घाऊक किंमत निर्देशांक (WPI) आधारित महागाई दर ऑगस्टमध्ये 1.31 टक्के होता, तो सप्टेंबरमध्ये 1.84 टक्के झाला आहे. गेल्या वर्षी सप्टेंबरमध्ये घाऊक महागाई दर (0.07) होता.

खाद्यपदार्थांमुळे महागाई वाढली –

सप्टेंबर महिन्यात खाद्यपदार्थांच्या किमती वाढल्या आहेत. खाद्यपदार्थांच्या महागाईचा दर सप्टेंबरमध्ये 11.53 टक्के झाला आहे, तर ऑगस्टमध्ये तो 3.11 टक्के होता. भाज्यांचे वाढलेले भाव हे त्याचे प्रमुख कारण आहे. सप्टेंबरमध्ये भाज्यांच्या महागाईचा दर 48.73 टक्के होता. जो ऑगस्टमध्ये 10.01 टक्के होता.

बटाटे आणि कांदे महाग झाले-

सप्टेंबरमध्ये बटाटा आणि कांद्याची महागाई अनुक्रमे 78.13 टक्के आणि 78.82 टक्के वाढली आहे.

महागाई कशामुळे वाढली?

वाणिज्य आणि उद्योग मंत्रालयाने एका निवेदनात म्हटले आहे की , “सप्टेंबर 2024 मधील चलनवाढीचा सकारात्मक दर मुख्यत्वे खाद्यपदार्थ, खाद्य उत्पादने, इतर उत्पादन, मोटार वाहन निर्मिती, ट्रेलर आणि सेमी-ट्रेलर्सचे उत्पादन, यंत्रसामग्री आणि उपकरणे इत्यादींच्या निर्मिती किंमतीत वाढ झाली आहे.”