Sinner Ruled Out : यूएस ओपन सुरू होण्याआधीच सर्वात मोठा धक्का! जागतिक नंबर १ यानिक सिनर स्पर्धेतून थेट बाहेर, नेमकं कारण काय?
Sinner Ruled Out : जागतिक क्रमवारीत अव्वल स्थानी असलेला इटलीचा स्टार टेनिसपटू यानिक सिनरने दुखापतीमुळे यूएस ओपन २०२६ स्पर्धेतून माघार घेतली आहे.
Jannik Sinner Jack Draper Ruled Out US Open 2026 Knee Injury : वर्षातील अखेरची ग्रँड स्लॅम स्पर्धा असलेल्या यूएस ओपन २०२६ (US Open 2026) सुरू होण्यापूर्वीच टेनिस चाहत्यांना मोठा धक्का बसला आहे. जागतिक क्रमवारीत अव्वल स्थानी असलेला इटलीचा स्टार टेनिसपटू यानिक सिनर (Jannik Sinner) आणि ब्रिटनचा उदयोन्मुख खेळाडू जॅक ड्रेपर (Jack Draper) यांनी दुखापतीमुळे स्पर्धेतून माघार घेतली आहे. उजव्या गुडघ्याच्या जुनाट दुखापतीमुळे सिनरला हा अत्यंत कठीण निर्णय घ्यावा लागला असून, त्यामुळे सिनर-अल्काराझ यांच्यातील बहुचर्चित महामुकाबला पाहण्याची चाहत्यांची संधी हुकली आहे.
‘न्यूयॉर्क माझ्या हृदयाच्या जवळ, पण…’; सिनरने व्यक्त केल्या भावना!
गेल्या महिन्यात आपले पाचवे ग्रँड स्लॅम जेतेपद (विम्बल्डन) पटकावल्यानंतर सिनर एकाही स्पर्धात्मक सामन्यात खेळलेला नाही. माँटे कार्लोमध्ये सराव करताना गुडघ्याची समस्या अद्याप पूर्ण बरी झाली नसल्याचे लक्षात आल्यावर त्याने माघार घेत असल्याचे जाहीर केले. “वैद्यकीय पथकासोबत खूप मेहनत घेतल्यानंतरही मला हा कठीण निर्णय घ्यावा लागला. न्यूयॉर्क माझ्या हृदयाच्या अत्यंत जवळ असल्याने मी खूप निराश आणि दुःखी आहे, मात्र पूर्णपणे तंदुरुस्त होण्यासाठी मला अजून विश्रांतीची गरज आहे,” असे सिनरने स्पष्ट केले.
अल्काराझच्या पुनरागमनानंतर सिनरची माघार; टेनिस जगतात निराशा!
Even though I have been working hard with my team and my medical staff, we have now had to make the difficult decision that I will not be able to compete at the US Open this year. We have been back on court in Monte Carlo over the last couple of days and have realised that I… pic.twitter.com/9eoYS29jpO
— Jannik Sinner (@janniksin) August 21, 2026
सिनरचा प्रमुख प्रतिस्पर्धी कार्लोस अल्काराझने मनगटाच्या दुखापतीतून सावरून चार महिन्यांनंतर यूएस ओपनमध्ये पुनरागमन करण्याची घोषणा केली होती. त्याच्या घोषणेच्या अवघ्या एका दिवसानंतर सिनरने बाहेर पडण्याचा निर्णय घेतला. २०२४ आणि २०२५ या दोन वर्षांत पुरुष टेनिसवर पूर्ण वर्चस्व गाजवत या दोघांनी मिळून तब्बल ८ ग्रँड स्लॅम स्पर्धा जिंकल्या होत्या. गेल्या वर्षीच्या चारपैकी तीन ग्रँड स्लॅम फायनलमध्ये हे दोघे समोरासमोर होते; मात्र २०२६ मध्ये ही हाय-व्होल्टेज स्पर्धा केवळ एकदाच (माँटे कार्लो फायनल) कोर्टवर पाहायला मिळाली आहे.
जॅक ड्रेपरही दुखापतीमुळे बाहेर; सिनरचा जेतेपद राखण्याचा प्रयत्न अपूर्ण!
Jannik Sinner who apparently has a serious knee injury to keep him out of his first grand slam in over 6 years is filmed back practicing.
Make of that what you will. pic.twitter.com/qXKm62VEyC
— Pavvy G (@pavyg) August 22, 2026
२०२४ चे यूएस ओपन जेतेपद जिंकणाऱ्या आणि २०२५ च्या फायनलमध्ये पोहोचलेल्या सिनरला यंदा आपले विजेतेपद पुन्हा पटकावण्याची मोठी संधी होती. मात्र, दुखापतीमुळे त्याचे आव्हान संपुष्टात आले. दुसरीकडे, ब्रिटनच्या जॅक ड्रेपरलाही हाताच्या गंभीर दुखापतीमुळे स्पर्धेबाहेर पडावे लागले असून, या दुखापतीने त्याचा यंदाचा संपूर्ण मोसमच धोक्यात आणला आहे.
