Will Young Century India vs New Zealand 4th ODI Rohit Sharma Ishan Kishan Dropped Catches : न्यूझीलंडविरुद्धच्या चौथ्या एकदिवसीय सामन्यात भारतीय संघाला सुमार क्षेत्ररक्षणाची अत्यंत महागडी किंमत मोजावी लागली आहे. सामन्याच्या अवघ्या दुसऱ्याच षटकात वेगवान गोलंदाज आकिब नबीच्या सलग दोन चेंडूंवर स्लिपमध्ये रोहित शर्मा आणि यष्टीमागे इशान किशनने सोपे झेल सोडले. या दोन जीवदानांचा पुरेपूर फायदा उचलत किवी सलामीवीर विल यंगने अवघ्या ८८ चेंडूंत वादळी शतक झळकावले. हे यंगच्या एकदिवसीय कारकिर्दीतील पाचवे, तर भारताविरुद्धचे पहिलेच शतक ठरले. त्याच्या या शतकी खेळीच्या जोरावर न्यूझीलंडने 333 धावांचा डोंगर उभारला.  (Will Young Century )

५ धावांवर मिळाले दोन जीवनदान; अखेर १२५ धावांची स्फोटक खेळी  (Will Young Century )

डावाच्या सुरुवातीला विल यंग केवळ ५ धावांवर खेळत असताना रोहित शर्मा आणि इशान किशनने सलग दोन चेंडूंवर त्याचे झेल सोडून भारताच्या अडचणी वाढवल्या. यानंतर यंगने कोणतीही चूक न करता संयमाने डाव सावरला. त्याने ४९ चेंडूंत अर्धशतक पूर्ण केले; एकीकडे ४३ चेंडूंत ४१ धावांवर असणाऱ्या यंगने अचानक गिअर बदलत पुढील ४५ चेंडूंत तब्बल ५९ धावा कुटल्या आणि ८८ चेंडूंत शतक साजरे केले. अखेरीस १०८ चेंडूंत १४ चौकार आणि ४ षटकारांसह १२५ धावा चोपून तो बाद झाला.

तब्बल २४ डावांचा दुष्काळ संपवला; खराब फॉर्मला दिली मूठमाती –  (Will Young Century )

Poor luck for Aquib Nabi continues, two catches of Will Young dropped in the same over. https://t.co/nKDFmX2iRH

— Saurav Trivedi (@Auravauraa) November 13, 2026

विल यंगसाठी हे शतक विशेष महत्त्वाचे ठरले, कारण तो गेल्या अनेक महिन्यांपासून खराब फॉर्मशी झुंजत होता. यापूर्वी त्याने चॅम्पियन्स ट्रॉफी २०२५ मध्ये पाकिस्तानविरुद्ध शतक ठोकले होते. त्यानंतरच्या २४ एकदिवसीय डावांत १८.७५ च्या साधारण सरासरीने त्याने केवळ ४५० धावा केल्या होत्या; मात्र भारताच्या चुकीचा फायदा घेत त्याने शानदार पुनरागमन केले. यंगच्या या मॅचविनिंग खेळीच्या जोरावर न्यूझीलंडने भारतीय गोलंदाजांची धुलाई करत ३३३ धावांचा डोंगर उभारला. आकिब नबीला सुरुवातीलाच मिळू शकणारी दोन मोठी यश हुकल्याने भारताच्या हातून सामन्याची पकड सुटली.

हेही वाचा – IND vs NZ : धावफलकावर ० धावा अन् ३ विकेट्स बाद! रोहित, विराट आणि श्रेयस तिघेही भोपळ्यावर; भारतीय क्रिकेट इतिहासात पहिल्यांदाच असं घडलं

भारतीय फलंदाजांंची उडाली भंबेरी –

प्रत्युत्तरात ३३४ धावांच्या विशाल आव्हानाचा पाठलाग करताना भारताची अक्षरश:दाणादाण उडाली आहे. मॅट हेन्रीच्या आणि डावाच्या पहिल्याच षटकात भारताने अवघ्या ० धावांवर आपले तीन महत्त्वाचे फलंदाज गमावले. भारतीय एकदिवसीय क्रिकेटच्या प्रदीर्घ इतिहासात असे पहिल्यांदाच घडले आहे, जेव्हा संघाचे खाते उघडण्यापूर्वीच तीन गडी बाद झाले. माजी कर्णधार रोहित शर्मा, विराट कोहली आणि पदार्पणातच नेतृत्व करणारा कर्णधार श्रेयस अय्यर हे तिघेही दिग्गज भोपळाही न फोडता तंबूत परतल्याने क्रीडा चाहत्यांना मोठा धक्का बसला. विशेष म्हणजे यानंतरही पडझड सुरु राहिली. कारण भारताने 20 षटकांत 6 बाद 61 धावा केल्या आहेत.