Lok Sabha Election 2024 । महाराष्ट्र नवनिर्माण सेनेचे प्रमुख राज ठाकरे यांनी राज्यात महायुतीला पाठिंबा देण्याचा जो निर्णय घेतला आहे. याबाबत राज ठाकरे यांनी गुडी पाडवा मेळाव्याला एक महत्त्वपूर्ण घोषणा केली. गेल्या काही दिवसांपासून राज्याच्या राजकारणात मनसे महायुतीमध्ये सहभागी होणार का? या विषयी चर्चा सुरु होती. अशात राज ठाकरे यांनी दादरच्या शिवाजी पार्क मैदानातून नरेंद्र मोदी यांना तिसऱ्यांदा पंतप्रधान बनण्यासाठी बिनशर्त पाठिंबा जाहीर केला.

केंद्रीय गृहमंत्री अमित शाह त्यानंतर मुख्यमंत्री एकनाथ शिंदे आणि देवेंद्र फडणवीस यांच्याबरोबर झालेल्या चर्चेतले मुद्दे सुद्धा त्यांनी सांगितले. आपल्याला एक तू घे, दोन मी घेतो, अशा प्रकारच्या जागा वाटपाच्या चर्चेत रस नसल्याच राज ठाकरे यांनी सांगितलं. त्यांनी भाजपा, शिवसेना, राष्ट्रवादी काँग्रेस महायुतीला बिनशर्त पाठिंबा जाहीर केला. त्यांनी मनसे पदाधिकारी, कार्यकर्त्यांना विधानसभा निवडणुकीच्या तयारी लागण्याची सूचना केली.

दरम्यान, महायुतीच्या प्रचाराला जाणार का? अशी चर्चा सुरु झाली. त्यावर राज ठाकरे यांनी आज उत्तर दिलं. पत्रकारांनी राज ठाकरे यांना महायुतीच्या उमेदवारांच्या प्रचाराला जाणार का? असा प्रश्न विचारला. त्यावर राज ठाकरे म्हणाले की, “मी सकारात्मक आहे. पण अजून काही ठरवलेलं नाही. कुठे प्रचार सभा घ्यायची, कुठे नाही. पुढे बघू, आमच्या बुकींग असतात. त्यामुळे सभा होतात” असेही त्यांनी संगीतले आहे