Operation Tiger : अॅापरेशन टायगर यशस्वी झाले असून उद्धव ठाकरे यांना मोठा हादरा बसला आहे. पक्षातील सहा खासदारांनी त्यांची साथ सोडली असून ते आता शिंदे गटात प्रवेश करणार असल्याची शक्यता आहे. आज शिवसेनेच्या 60 व्या वर्धापन दिनादिवशी याबाबतची घोषणा केली जाणार असल्याची माहिती मिळत आहे. त्यामुळे वर्धापन दिनाच्या मेळाव्यात काय घडणार याची उत्सुकता सर्वांना लागली आहे.

काल दिल्लीत झालेल्या शिवसेना (UBT) संसदीय दलाच्या बैठकीसाठी नऊ खासदारांना व्हीप जारी करण्यात आला होता. यापैकी केवळ तीनच खासदारांनी व्हीपचे पालन केल्याने इतर सहा खासदारांवर पक्षाकडून कारवाई करण्याचे संकेत देण्यात आले आहेत.  (Operation Tiger )

या सगळ्या घडामोडी घडत असताना अॅापरेशन टायगर यशस्वी झाले असल्याचे म्हणत शिंदेसेनेचे आक्रमक आमदार संतोष बांगर यांच्याकडून खळबळजनक दावा करण्यात आला आहे. उद्धव ठाकरे यांचे आणखी 13 ते 14 आमदार फुटणार असल्याचा दावा त्यांनी केला आहे. यामुळे राजकीय वर्तुळात मोठी खळबळ उडाली आहे.

 

आमदार संतोष बांगरांचा मोठा दावा   (Operation Tiger)

उबाठाचे आमदार प्रवेश करणार आहेत का? या प्रश्नावर उत्तर देताना बांगर म्हणाले ‘आगे आगे देखो होता है क्या’. तुम्ही जे बोलले ते सुद्धा झाल्याशिवाय राहणार नाही. 13 ते 14 आमदार उबाठाची साथ सोडून एकनाथ शिंदे यांच्या शिवसेनेत प्रवेश करणार असा मोठा दावा त्यांनी केला आहे.

हेही वाचा :Rajabhau Waje: “विचारधारेशी मी प्रामाणिक”; उद्धव ठाकरेंच्या निष्ठावंत खासदाराचे नाशिकमध्ये जंगी स्वागत

नागेश पाटील आष्टीकर यांच्या शिवसेनेमधील प्रवेशानंतर पक्षाला बळ मिळणार : आमदार संतोष बांगर   (Operation Tiger)

“सहा महिन्यांपूर्वीच मी तुम्हाला सांगितलं होतं आणि शिंदे साहेबांच्या नेतृत्वामध्ये सहाही खासदारांनी शिवसेनेमध्ये प्रवेश केलेला आहे. आम्हाला जशी बातमी कळली तसे आम्ही नागेश पाटील आष्टीकर यांचे स्वागत हिंगोलीमध्ये केलेलं आहे. नागेश पाटील आष्टीकर यांच्या शिवसेनेमधील प्रवेशानंतर पक्षाला बळ मिळणार आहे, यामुळे शिवसेना वाढणार आहे”

दरम्यान, राज्यात अॅापरेशन टायगरद्वारे राजकीय घडामोडींना वेग आला असून पुढील काही दिवसांत आणखी मोठे बदल घडू शकतात, असे संकेतही या वक्तव्यातून आमदार संतोष बांगर यांनी दिले आहेत.

हेही वाचा : Uddhav Thackeray : उद्धव ठाकरेंचं बंडखोरीविरोधात पहिलं पाऊल! धाराशिव जिल्ह्यातील बड्या नेत्यांना ‘मातोश्री’वर बोलावलं