सोशल मीडियावर सतत अॅक्टिव्ह असलेली अभिनेत्री रश्मिका मंदानाने दिग्दर्शक सुकुमार यांना वाढदिवसाच्या शुभेच्छा दिल्या आहेत. पुष्पा २ या चित्रपटाच्या सेटवरचा तिचा आणि सुकुमार यांचा फोटो तिने तिच्या इन्स्टाग्राम अकाऊंटच्या स्टोरीवर शेअर केला आहे. या फोटोच्या कॅप्शनमध्ये ‘वाढदिवसाच्या शुभेच्छा सर, मला तुमची खूप आठवण येते. माझ्याकडे तुमचे फोटो आहेत, मला ते सर्व फोटो आवडतात. अस कॅप्शनमध्ये लिहिलं आहे. ‘श्रीवल्ली’चा लूक देऊन मला खूप दिवस झाले आहेत. आजही माझं नातं या भूमिकेशी भावनिकरित्या जोडले असल्याचे तिने या पोस्टमध्ये लिहिले आहे.

पुष्पा २ मध्ये श्रीवल्लीच्या डोळ्यांतून आपण पुष्पा अनुभवत आहात असे वाटते. ही गोष्ट मला आनंदाने भरते. श्रीवल्लीची भूमिका करणे माझ्यासाठी खूप खास आहे. श्रीवल्ली पुष्पाशिवाय अस्तित्वात नाही. ती जी काही आहे ती पुष्पामुळे आहे आणि त्यासाठी मी अल्लू अर्जुन सरांचे मनापासून आभार मानते. माझ्यासाठी श्रीवल्ली ही केवळ एक पात्र नाही, तर एक नितांत सुंदर अनुभव आहे. ज्याला मी सदैव माझ्या हृदयाच्या जवळ ठेवीन आणि सदैव ऋणी राहीन, श्रीवल्ली पुष्पराज, अशी पोस्ट रश्मिकाने लिहिली आहे.

रश्मिकाने पोस्ट केलेला हा फोटो नुकत्याच प्रदर्शित झालेल्या ‘पुष्पा 2’ चित्रपटाच्या सेटवरील आहे, ज्यामध्ये रश्मिका शूटिंगदरम्यान सोफ्यावर बसून झोपलेली दिसत आहे आणि सुकुमार तिच्याकडे जवळून पाहत आहे. रश्मिकाने अलीकडेच पुष्पा २ चित्रपटाच्या सेटवरील काही आठवणी शेअर केल्या होत्या. पुष्पा २ च्या शुटिंगच्या दरम्यानचा सुकुमार आणि रश्मिकाचा एकत्रित असा हा फोटो आहे. पुष्पा २ च्या रिलीजनंतर रश्मिका या सिनेमाविषयी काही ना काही तिच्या इन्स्टाग्राम अकाऊंटवरून शेअर करत असते.