जिंदगी ना मिलेगी दोबारा नंतर फरहान अख्तर पुन्हा एकदा बी-टाऊन त्रिकूट घेऊन येत आहे. यावेळी तीन नायिकांच्या प्रवासाची कथा असणार आहे. फरहानने 2021 मध्ये जी ले जराची घोषणा केली होती, परंतु आजपर्यंत चित्रपटात ब्रेक लागला आहे. फरहान अख्तरच्या जी ले जरा या चित्रपटात प्रियांका चोप्रा, आलिया भट्ट आणि कतरिना कैफ दिसणार आहेत. चित्रपटाच्या स्टारकास्टचीही घोषणा करण्यात आली. या चित्रपटाचे शूटिंग तीन वर्षांपासून प्रलंबित आहे. अशात चित्रपट डबाबंद झाल्याची बातमी आली होती. प्रियांका चोप्राने चित्रपटाची स्क्रिप्ट न आवडल्याने तिने चित्रपटाला नकार दिल्याचा दावा एका अहवालात करण्यात आला होता. मात्र, फरहानने ही बातमी फेटाळून लावली आहे. आता फरहानची बहीण आणि निर्माती झोया अख्तरने जी ले जराला उशीर होण्या मागचे कारण सांगितले आहे. ‘जी ले जरा’च्या विलंबामुळे तिन्ही अभिनेत्रींच्या तारखा जुळत नसल्यामुळेच या चित्रपटाच्या शूटिंगला ब्रेक लागला असल्याचे तिने म्हटले आहे. तिने पुढे सांगितले,’मला वाटतं त्या तिघांच्या (कतरिना, आलिया, प्रियांका) आणि फरहानच्या स्वतःच्या तारखा एकत्र ठेवल्या पाहिजेत.’ अशीही ती म्हणाली. कतरिना, प्रियांका आणि आलियाचा वर्क फ्रंटबाबत सांगायचे झाल्यास,प्रियांका चोप्रा सध्या तिच्या हॉलिवूड प्रोजेक्ट्समध्ये व्यस्त आहे. काही दिवसांपूर्वीच प्रियांकाने द ब्लफ आणि हेड्स ऑफ स्टेट यांसारख्या चित्रपटांचे शूटिंग पूर्ण केले. दरम्यान, आलिया भट्ट जिगराच्या शूटिंगमध्ये व्यस्त आहे. कतरिना कैफबद्दल बोलायचे झाले तर ती टायगर वर्सेस पठाणमध्ये दिसणार आहे. या चित्रपटाच्या शूटिंगबाबत अद्याप कोणतीही माहिती समोर आलेली नाही.
