Ravana Jatayu War Scene : नितेश तिवारी यांच्या ‘रामायण: राइज ऑफ अ लेजेंड’ या चित्रपटातील रावण आणि जटायू यांच्यातील युद्धाचा प्रसंग सध्या चर्चेत आहे. या दृश्यात रावणाची भूमिका साकारणारा अभिनेता यश आणि जटायू यांच्यात जबरदस्त संघर्ष पाहायला मिळतो. विशेष म्हणजे, या युद्धाच्या शेवटी रावण असं काही करतो, ज्यामुळे प्रेक्षकांच्या मनात अनेक प्रश्न निर्माण झाले आहेत. युद्ध संपल्यानंतर रावण जटायूचं एक नख तोडून स्वतःजवळ ठेवतो. पण त्याने असं नेमकं का केलं? यामागे काय कारण आहे, हे जाणून घेऊयात.

रावण आणि जटायूमध्ये जोरदार युद्ध

रामायणातील कथेनुसार, रावण जेव्हा सीतेचं अपहरण करून लंकेकडे निघतो, तेव्हा जटायू त्याला अडवण्याचा प्रयत्न करतो. वयस्कर असूनही जटायू सीतेला वाचवण्यासाठी रावणाशी दोन हात करण्यास मागेपुढे पाहत नाही.

या युद्धात जटायू आपल्या तीक्ष्ण नखांनी रावणावर जोरदार हल्ला करतो. इतकंच नाही, तर तो रावणाचं शीर धडापासून वेगळं करण्यातही यशस्वी होतो. मात्र, रावणाकडे पुन्हा शीर धारण करण्याची शक्ती असल्याने तो काही वेळातच सावरतो. त्यानंतर तो जटायूवर प्रतिहल्ला करतो आणि त्याचा एक पंख कापून टाकतो. गंभीर जखमी झालेला जटायू जमिनीवर कोसळतो.

रावणाने जटायूचं नख स्वतःजवळ का ठेवलं?

या संपूर्ण युद्धातील सर्वाधिक लक्षवेधी प्रसंग म्हणजे रावणाने जटायूचं एक नख तोडून स्वतःजवळ ठेवणं. यामागे रावणाचा अहंकार आणि त्याचा स्वभाव हे महत्त्वाचे पैलू असल्याचं चित्रपटातील या प्रसंगातून सूचित होतं.

स्वतःला सर्वशक्तिमान समजणाऱ्या रावणाला एका वृद्ध पक्ष्याने जखमी करणं ही अपमानास्पद गोष्ट वाटली असावी. त्यामुळे ज्या नखाने जटायूने त्याच्यावर हल्ला केला, तेच नख स्वतःजवळ ठेवून रावण त्या पराभवाच्या क्षणाची आठवण जपत असावा, असा अंदाज व्यक्त केला जात आहे.

तसंच आपल्याला आव्हान देण्याचं धाडस करणाऱ्या जटायूवर विजय मिळवल्याची खूण म्हणूनही रावणाने हे नख जवळ ठेवलं असावं. यातून रावणाचा अहंकार आणि प्रतिस्पर्ध्याला कमी लेखण्याची वृत्ती अधोरेखित होते. या गोष्टीचा उलघडा रामायणच्या दुसऱ्या भागात होणार असल्याचे सांगितले जात आहे.

मूळ रामायणातही आहे का हा प्रसंग?

रावणाने जटायूचं नख तोडून स्वतःजवळ ठेवण्याचा प्रसंग चित्रपटातील कथानकासाठी केलेली कल्पक भर असल्याचं सांगितलं जात आहे. मूळ वाल्मीकी रामायणात अशा घटनेचा उल्लेख आढळत नाही. त्यामुळे चित्रपटातील हा प्रसंग प्रेक्षकांसाठी विशेष आकर्षण ठरत आहे.

अनुपम खेर यांनी दिला जटायूला आवाज

या चित्रपटातील आणखी एक महत्त्वाची बाब म्हणजे ज्येष्ठ अभिनेते अनुपम खेर यांनी जटायूच्या व्यक्तिरेखेला आपला आवाज दिला आहे. राम जेव्हा गंभीर जखमी अवस्थेतील जटायूला भेटतात, तेव्हा जटायू त्यांना सीतेच्या अपहरणाबाबत घडलेला संपूर्ण प्रसंग सांगतो. हा भावनिक प्रसंग कथानकातील महत्त्वाचा भाग आहे.

या व्यक्तिरेखेला आणि चित्रपटाला मिळणाऱ्या प्रतिसादाबद्दल अनुपम खेर यांनीही आनंद व्यक्त केला आहे. चित्रपटाच्या टीमचं कौतुक करत त्यांनी हा आपल्यासाठी अभिमानाचा क्षण असल्याचं म्हटलं आहे.

Ravindra Dhangekar : ‘तुम्ही काय किर्लोस्करांचे नातू-बितू होतात का’; रवींद्र धंगेकरांचा चंद्रकांत पाटलांना खोचक सवाल