मात्र रविवारी सकाळी ते कार्यकर्त्यांमध्ये येऊन अशी घोषणा करतील याची कुणालाही कल्पना नव्हती. सीएम केजरीवाल यांनी दिलेल्या माहितीनुसार, दोन दिवसांत विधीमंडळाची बैठक होणार असून नवीन मुख्यमंत्र्यांच्या नावावर निर्णय घेतला जाईल.

अबकारी धोरणाशी संबंधित कथित घोटाळ्याप्रकरणी सर्वोच्च न्यायालयाने मुख्यमंत्री केजरीवाल यांना जामीन मंजूर केला आहे. मात्र, त्यांना सशर्त जामीन मंजूर करण्यात आला असून त्यानुसार ते कागदपत्रांवर स्वाक्षरी करू शकत नाही. केजरीवाल यांना अटक झाल्यापासून भाजपने त्यांच्या राजीनाम्याची मागणी केली होती, पण भाजपचा दावा मुख्यमंत्री अरविंद केजरीवाल यांनी राजीनामा देण्यासाठी दोन दिवसांचा वेळ मागितल्याचा दावा भाजप नेते मनजिंदर सिंग सिरसा यांनी केला आहे. या दोन दिवसांत ते आमदारांना पटवून देतील की पत्नी सुनीता केजरीवाल यांना पुढील मुख्यमंत्री करावे. भाजपने हा दावा केला असेल पण सीएम केजरीवाल यांनी लोकसभा निवडणुकीच्या वेळी अधिकृतपणे सांगितले होते की त्यांच्या पत्नीला राजकारणात येण्यात रस नाही. आता दोन दिवसांनी त्यांच्या जागी मुख्यमंत्री केजरीवाल कोणाच्या हाती राज्याची महत्त्वाची जबाबदारी सोपवतात हे पाहणे महत्त्वाचे ठरणार आहे. राजकीय तज्ज्ञ यांनी अरविंद केजरीवाल यांचा अचानकपणे मुख्यमंत्रीपदावरून पायउतार होण्याचा निर्णय घेणे ही त्यांची नवी रणनीती मानली आहे. मात्र, केजरीवाल यांनी राजीनामा दिल्यास ते मुख्यमंत्री कोणाला करणार? असे प्रश्न उपस्थित होऊ लागले आहेत.

सीएम केजरीवाल यांच्यानंतर आतिशी आणि सौरभ भारद्वाज हे मंत्री दिल्लीतील मोठे चेहरे आहे. त्याच्या अटकेनंतर दोघांनीही सरकारी कामाचा ताबा घेतला. तर माजी उपमुख्यमंत्री मनीष सिसोदिया हेही तुरुंगाबाहेर आहे. मात्र, सीएम केजरीवाल यांनी या पदावर राहणार नसल्याचे सांगितले. अशात दोघांपैकी एकाला दिल्लीची कमान मिळू शकेल का, असे प्रश्न उपस्थित केले जात आहे.लालू नितीश किंवा हेमंत सोरेनसारखे निर्णय घेतील का? असाही प्रश्न उपस्थित केले जात आहे.

देशाच्या राजकारणात असे दिसून आले आहे की जेव्हा जेव्हा एखाद्या मुख्यमंत्र्याला अपरिहार्य परिस्थितीमुळे खुर्ची सोडावी लागली तेव्हा अशा एका चेहऱ्याला मुख्यमंत्री बनवले गेले ज्याचे नाव कधीही समोर नव्हते किंवा त्यांच्या नावाची कुठेही चर्चा झाली नाही

अशी उदाहरणे बिहार आणि झारखंडमध्ये पहायला मिळाली आहेत
जेव्हा माजी मुख्यमंत्री लालू यादव यांनी चारा घोटाळ्यात अटक केल्यानंतर रातोरात बिहारची कमान पत्नी राबडी देवी यांच्याकडे सोपवली होती, तर अलीकडेच झारखंडचे मुख्यमंत्री हेमंत सोरेन यांना जानेवारीत अटक झाल्यानंतर चंपाई सोरेन यांच्याकडे बिहारची कमान सोपवली होती. उत्तराधिकारी बनवले होते. त्याच वेळी, 2014 च्या लोकसभा निवडणुकीत जेडीयूच्या खराब कामगिरीमुळे, नितीश कुमार यांनी जबाबदारी स्वीकारली आणि त्यांच्या पदाचा राजीनामा दिला आणि त्यांचे जवळचे मित्र जीतन राम मांझी यांना राज्याचे 23 वे मुख्यमंत्री बनवले.

अशा स्थितीत अरविंद केजरीवालही हाच मार्ग अनुसरून पक्षाची कमान त्यांच्या निकटवर्तीय असलेल्या कोणत्यातरी चेहऱ्याकडे सोपवू शकतात, असे मानले जात आहे, परंतु सध्या त्यांच्याकडे कोणाचे लक्ष नाही.