प्रसिद्ध संगीतकार, गीतकार आणि पटकथा लेखक जावेद अख्तर यांचा आज जन्मदिवस. अख्तर यांचा कला क्षेत्रातील प्रवास अत्यंत खडतर स्वरुपाचा राहिलेला आहे. आज कला क्षेत्र आणि साहित्य क्षेत्रामध्ये त्यांचे नाव आदराने घेतले जाते. त्यामागे त्यांची प्रतिभा, ज्ञान असल्याचे सांगितले जाते. त्यांचा जन्म १७ जानेवारी १९४५ रोजी ग्वाल्हेर येथे प्रसिद्ध कवी जानिसार अख्तर यांच्या घरात झाला. लहानपासूनच घरातच गायिका असल्याने आणि त्यांचे वडीलच स्वःताह कवी असल्याने त्यांनी देखील याच क्षेत्रात जाऊन मोठं नाव केलं. त्यांनी अनेक गीत संगीतबद्ध केले. सिनेमासांठी पटकथा लिहिली. प्रेमाविषयी त्यांची एक आस्था आहे, ती त्यांच्या कविता आणि संगीतामधून दिसून येते. पण तुम्हाला जावेद अख्तर यांच्या पहिल्या प्रेमाबद्दल माहिती आहे का?

तिनं मायानगरीत राहण्यासाठी घर दिलं

जावेद अख्तर यांना खरंतर सर्वजण जावेद साहब यांच नावाने ओळखतात. त्यांच्या करिअरसोबतच ते वैयक्तिक आयुष्यामुळेही सतत चर्चेत असतात. शबाना आझमी यांच्यासोबतच्या त्यांच्या प्रेमाचे किस्से सर्वांनाच ठाऊक आहेत. पण, तुम्हाला त्यांच्या पहिल्या प्रेमाबद्दल माहिती आहे का? जावेद साहब हे मायानगरी मुंबईत राहण्यासाठी आले होते. त्यावेळी ज्या महिलेने त्यांना राहण्यासाठी पहिले घर दिले त्यांचा नाव हनी. पण नशिबाचा खेळ बघा, एका विशिष्ट टप्प्यावर पोहोचल्यावर त्यांनी हिना यांना दगा दिला. मात्र, या गोष्टीचा त्यांना खूप पश्चातापही होतो. गेल्या वर्षी प्रदर्शित झालेल्या ‘अँग्री यंग मेन’ या माहितीपट त्या महिलेबद्दल बोलत असताना त्यांचे दुःख बाहेर आले आणि त्याचे डोळे भरून आले होते.

सीता और गीताच्या सेटवर पहिली भेट 

ही महिला दुसरी कोणी नसून त्यांची पहिली पत्नी हनी इराणी आहे. मुंबईत संघर्षाच्या काळात जावेद अख्तर दीर्घकाळ बेघर व्यक्तीसारखे जगले. पुढे त्यांना जोगेश्वरी येथील कमाल अमरोही यांच्या स्टुडिओत राहण्यासाठी जागा मिळाली. ‘सीता और गीता’ चित्रपटाच्या सेटवर त्यांची हनी इराणीशी पहिली भेट झाली. आधी मैत्री झाली आणि नंतर कळत नकळत ते दोघे एकमेकांच्या जवळ आले आणि खऱ्या आयुष्याचे जोडीदार झाले. जावेद अख्तर आणि हनी इराणी यांना फरहान अख्तर आणि झोया अख्तर ही दोन मुले आहेत. जावेद अख्तर यांच्या कठीण काळात हनी इराणीने त्यांना साथ दिली.

…अन् त्यांना अश्रू अनावर झाले

हे जोडपं कायम एकेमकांसोबत सोबत राहिलं असतं, पण विभक्त होणं त्यांच्या नशिबात लिहिलं होतं. जावेद अख्तरच्या आयुष्यात शबाना आझमी आली आणि त्यामुळे हनी इराणी खूप दूर गेली. अँग्री यंग मेन’ या मालिकेत जावेद अख्तर यांनी हनी इराणीपासून वेगळे होण्याला आपली चूक म्हटले आहे. याबद्दल बोलताना जवळजवळ ते रडले. जावेदसोबतच्या पहिल्या भेटीचा किस्सा सांगताना हनी इराणीच्याही डोळ्यात अश्रू आले होते, तर जावेद अख्तरने स्वत:ला आपल्या पहिल्या पत्नीचा अपराधी म्हणून स्वीकारलं आहे. जावेद अख्तर म्हणाले, ‘हनी या जगात एकमेव अशी व्यक्ती आहे जिच्यासाठी मला अपराधी वाटते. मला याची खंत वाटते.

१९८४ ला विभक्त 

मला आजच्या जीवनाविषयी जितकी समज आहे, तितकीच जर समज मला त्यावेळी असती तर या चुकीच्या गोष्टी झाल्या नसत्या. हे स्वीकारणे खूप कठीण आहे, परंतु जीवन हेच ​​सांगते. २१ मार्च १९७२ रोजी दोघांचे लग्न झाले. एक कुटुंब तयार झालं. पण तब्बल १२ वर्षांनंतर नात्यात दुरावा निर्माण झाला आणि जावेद अख्तर शबाना आझमीच्या जवळ आले आणि १९८४ मध्ये हनी इराणीपासून त्यांनी घटस्फोट घेतला.