Palestine Fans in World Cup 2023 Final: एकदिवसीय विश्वचषक 2023 चा अंतिम सामना अहमदाबादच्या नरेंद्र मोदी स्टेडियमवर खेळला जात आहे. पण या सामन्यात भारतीय डावात सुरक्षेतील मोठी त्रुटी दिसून आली. एका पॅलेस्टाईन समर्थकाने अचानक मैदानात घुसून विराट कोहलीच्या जवळ जाऊन त्याला मागून पकडले.

कोहलीला भेटण्यासाठी हा तरुण स्टेडियममध्ये दाखल झाला होता –

त्या तरुणाने पॅलेस्टाईनचा ध्वज असलेला मुखवटाही घातला होता. भारतीय डावात 14व्या षटकातील तिसऱ्या चेंडूनंतर ही घटना घडली. या घटनेनंतर लगेचच सुरक्षा कर्मचाऱ्यांनी येऊन त्या प्रेक्षकाला पकडून बाहेर नेले. यावेळी तरुणाच्या हाताला दुखापत झाली. सध्या त्या तरुणाला पकडून चांदखेडा पोलीस ठाण्यात आणण्यात आले आहे.

आता त्या तरुणाची संपूर्ण माहितीही समोर आली आहे. त्याचे नाव वेन जॉन्सन असून त्याने स्वत:ला ऑस्ट्रेलियन नागरिक घोषित केले आहे. त्याच्या पासपोर्टवरूनही हे उघड झाले आहे. त्यांचे वय अवघे 24 वर्षे आहे. सुरक्षा नियम तोडणारा तरुण म्हणाला, ‘माझे नाव जॉन्सन आहे. मी ऑस्ट्रेलियन नागरिक आहे. विराट कोहलीला भेटण्यासाठी मी स्टेडियममध्ये प्रवेश केला होता. मी पॅलेस्टाईनचे समर्थन करतो.

भारतीय संघाची जर्सी घालून स्टेडियममध्ये प्रवेश केला होता –

सूत्रांनी सांगितले की, आरोपी जॉन्सन हा अंतिम सामना पाहण्यासाठी भारतीय संघाची जर्सी घालून स्टेडियममध्ये दाखल झाला होता. म्हणजेच तो टीम इंडियाला सपोर्ट करण्यासाठी आला आहे हे त्याला सांगायचे होते. मात्र, नंतर तो स्टँडमध्येच ही जर्सी बदलून पॅलेस्टाईनला सपोर्ट करणारा टी-शर्ट घालून मैदानात उतरला. यावेळी त्याने कोहली पकडलेही होते.